ანტიოქიის პატრიარქი - უმე-ს დელეგაციას: ჩვენ ყოველთვის თქვენთან ვართ

მიტროპოლიტი ანტონი და პატრიქარქი იოანე X. ფოტო: facebook.com/MitropolitAntoniy

2021 წლის 16 ივნისს ანტიოქიისა და სრულიად აღმოსავლეთის უნეტარესმა პატრიარქმა იოანე X, უკრაინის დელეგაციასთან შეხვედრის დროს, რომელსაც ხელმძღვანელობდა უკრაინის მართლმადიდებელი  ეკლესიის საქმეთა მმართველი, ბორისპოლისა და ბროვარსკის მიტროპოლიტი ანტონი, მხარდაჭერის სიტყვები გადასცა კიევისა და სრულიად უკრაინის უნეტარეს მიტროპოლიტ  ონოფრეს და მთელ უკრაინის მართლმადიდებელ  ეკლესიას, იუწყება უკრაინის მართლმადიდებელი  ეკლესიის საინფორმაციო-საგანმანათლებლო განყოფილება.

„გადაეცით უნეტარეს ონოფრეს მთელი ჩემი სიყვარული და პატივისცემა, ჩემს საყვარელ ძმას. ჩვენ ვიცით მისი სიყვარული და მხარდაჭერა. დარწმუნებულები იყავით, რომ ჩვენ ყოველთვის თქვენთან ვართ“, - თქვა ანტიოქიისა და სრულიად აღმოსავლეთის უნეტარესმა პატრიარქმა იოანე X.

მანამდე მართლმადიდებელ ჟურნალისტთა კავშირი წერდა, რომ 2021 წლის 16 ივნისს, კიევისა და სრულიად უკრაინის უნეტარესი მიტროპოლიტის ონოფრეს ლოცვა-კურთხევით, უკრაინის მართლმადიდებელი  ეკლესიის საქმეთა მმართველი, ბორისპოლისა და ბროვარსკის მიტროპოლიტი ანტონი (პაკანიჩი) შეხვდა ანტიოქიისა და სრულიად აღმოსავლეთის უნეტარეს პატრიარქს იოანე X.