აშშ-ში „ღვთის არმია“ მექსიკის საზღვრისკენ მიიწევს

,,ღვთის არმია'' მექსიკის საზღვრისკენ მიემართება. ფოტო: Esquire

ტეხასში, ამერიკაში, "პატრიოტი" სატვირთო მანქანების კოლონა მიემართება აშშ-სა და მექსიკის საზღვართან, იუწყება Vice. Reclaim Our Border-ის კოლონის ლიდერები საკუთარ თავს „ღვთის არმიას“ უწოდებენ და აცხადებენ, რომ მათი მისიაა „გლობალისტებთან“ ბრძოლა, რომლებიც, მათი მტკიცებით, შეთქმულებას აწყობენ აშშ-ს საზღვრების გასახსნელად და ქვეყნის გასანადგურებლად.

„ეს არის ღვთის მიერ შექმნილი ბიბლიური, მონუმენტური მომენტი“, - თქვა კოლონის ერთ-ერთმა ორგანიზატორმა. ”ჩვენ ყველა მხრიდან ბოროტების ბნელი ძალებით ვართ გარშემორტყმული”, - თქვა მეორემ.

ექსპერტები ამბობენ, რომ ამ რიტორიკის ქრისტიანული ნაციონალისტური ელფერი საფრთხეს უქმნის ისედაც რთულ ვითარებას.

„როდესაც ადამიანებს სჯერათ, რომ ისინი ღვთის სახელით მოქმედებენ, მათ შეუძლიათ მიმართონ უკიდურეს ზომებს“, - თქვა რუთ ბრაუნშტეინმა, კონექტიკუტის უნივერსიტეტის სოციოლოგიის კათედრის დოცენტმა.

კოლონის ორგანიზატორებმა კოლონის ფორმირება დაახლოებით ერთი თვის წინ დაიწყეს. "ღვთის არმია იზრდება", - თქვა ერთ-ერთმა მათგანმა, კიმ იეტერმა დაგეგმარების კონფერენციის დროს. ”ჩვენ ყველანი ამ დროისთვის ვიყავით არჩეული.”

მჟკ წერდა, რომ ექს-პრეზიდენტ ტრამპის თქმით, უკრაინაში ომმა მართლმადიდებლური ეკლესიები გაანადგურა.