პოლიციამ ათენის ტაძარში დანით შეიარაღებული სირიელი მიგრანტი დააკავა

წმინდა პანტელეიმონის ტაძარი ათენში. ფოტო: orthodoxianewsagency.gr

2023 წლის 19 ოქტომბერს ათენის პოლიციამ დააკავა სირიელი, რომელიც წმინდა დიდმოწამე პანტელეიმონის ტაძარში დანით შეიარღებული შევარდა, იუწყება orthodoxianewsagency.gr.

დანით შეიარაღებული სირიელი მიგრანტი ყვირილით შევიდა ათენის ცენტრში მდებარე წმინდა პანტელეიმონის ეკლესიაში. შემთხვევის ადგილზე პოლიციის თანამშრომლები დროულად გამოცხადნენ. წინააღმდეგობის მიუხედავად, მათ შეძლეს კრიმინალის განეიტრალება და დაკავება.

სირიელი პოლიციის განყოფილებაში გადაიყვანეს, სადაც ბრალი წაუყენეს ჩადენილი დანაშაულისთვის. როგორც პოლიციის დეპარტამენტის თანამშრომლების მიერ ჩატარებული წინასწარი გამოძიების შედეგად გაირკვა, დაკავებულმა საბერძნეთის ტერიტორია არალეგალურად გადაკვეთა.

როგორც მჟკ წერდა, ბრიუსელში მუსლიმმა „ალლაჰ აკბარის“ შეძახილით ორი ადამიანი მოკლა.