ჩერკასი ეპისკოპოსი: სბუ უსმენდა აღსარებას ჩემს ტელეფონზე

ჩერკასისა და კანევის მიტროპოლიტი თეოდოსი. ფოტო: ukrlive.tv

უკრაინის უშიშროების სამსახური უსმენდა სატელეფონო ზარებს და, შესაძლოა, ჩერკასისა და კანევის მიტროპოლიტი თეოდოსის რეზიდენციას, სახლს და ამით დაარღვია ჩერკასიის ეპარქიის სასულიერო პირებისა და მონასტრების საიდუმლო აღმსარებლობა. ამის შესახებ ეპისკოპოსმა სასამართლო სხდომაზე განაცხადა, რომელზეც მას აღკვეთის ღონისძიება შეუფარდეს.

„მინდა გავაპროტესტო. გამოძიების მსვლელობისას - რა თქმა უნდა, გაფრთხილების გარეშე - უშიშროების სამსახურმა მოსმენაზე აიყვანა ჩემი ტელეფონები და, სავარაუდოდ, უსმენდა ჩემს საცხოვრებელ სახლს, სადაც მართლმადიდებლური ტაძარია და მუდმივად ტარდება აღმსარებლობა, - განაცხადა მიტროპოლიტმა. - მე, როგორც ეპარქიის წინამძღვარს, მღვდლები და მოხუც მონაზვნები მაბარებენ არსარებას, მათ შორის, ტელეფონით. ის ფაქტი, რომ ჩემი ტელეფონის მოსმენა ხდებოდა ჩემი გაფრთხილების გარეშე, არღვევს მათ უფლებებს „სინდისის თავისუფლებისა და რელიგიური ორგანიზაციების შესახებ“ კანონის მე-3 მუხლით და უკრაინის სისხლის სამართლის საპროცესო კოდექსით. შენ უსმენდი იმ ადამიანების საიდუმლო აღსარებას, რომელიც თქვენთვის არ გაუნდვიათ“.

მეუფის თქმით, მის წინააღმდეგ აღძრული სისხლის სამართლის საქმე არის „სუფთა პოლიტიკური, კარგად მოფიქრებული და დიდწილად გაყალბებული“.

„პროკურორმა გარკვეული სარკაზმით ისაუბრა დღეს „უკრაინის მართლმადიდებლურ ეკლესიაზე თავდასხმაზე“. არის შეტევა. ყველას, ვინც ტელევიზორს უყურებს, ეს მშვენივრად ესმის. და ჩემს წინააღმდეგ აღძრული სისხლის სამართლის საქმე ამ თავდასხმის მხოლოდ რგოლია“, - აღნიშნა მიტროპოლიტმა.

მან არ გამორიცხა, რომ გამოძიებამ სასამართლოს დაავალა მისი შინაპატიმრობა „არა საკუთარი, არამედ ზემოდან ვიღაცის ბრძანებით, რათა მოეკვეთათ და წინამძრვრის გარეშე დაეტოვებინათ ჩერკასის ეპარქია“.

როგორც მჟკ იტყობინება, სასამართლომ მიტროპოლიტ თეოდოსს სრული 24-საათიანი შინაპატიმრობა მიუსაჯა ელექტრონული სამაჯურით 60 დღით. მის წინააღმდეგ დაიწყო სისხლის სამართლის საქმის წარმოება 161 მუხლის მიხედვით (კონფესიური უთანხმოების წაქეზება) და უკრაინის სისხლის სამართლის კოდექსის 436-2მუხლით (გამართლება, კანონიერების აღიარება, რუსეთის ფედერაციის შეიარაღებული აგრესიის უარყოფა უკრაინის წინააღმდეგ, მისი მონაწილეების განდიდება).