უმე-მ უარყო ინფორმაცია წინამძღვრის რუსული პასპორტის შესახებ

,,უკრაინსკაია პრავდას’’ საიტზე განთავსებული ინფორმაცია, თითქოს უკრაინის მართმადიდებლური ეკლესიის წინამძღვარსა და სხვა იერარქებს აქვთ რუსეთის ფედერაციის პასპორტი, არ შეესაბამება სიმართლეს. ამის შესახებ ნათქვამია უმე-ის სინოდის საინფორმაციო-საგანმანათლებლო დეპარტამენტის მიერ გამოქვეყნებულ განცხადებაში.

„ინტერნეტ პორტალ ,,უკრაინსკაი პრავდას’’ საიტზე დაუსაბუთებელი და მანიპულაციური ინფორმაციის გამოჩენასთან დაკავშირებით, თითქოს უკრაინის მართლმადიდებლური ეკლესიის იერარქებს აქვთ ორმაგი მოქალაქეობა, უნდა აღინიშნოს, რომ ვიდეოში ნახსენები ეპისკოპოსების ნაწილს მოქალაქეობა ყოველგვარი დასაბუთების გარეშე ჩამოერთვა და შესაბამისად, მათ სარჩელი შეიტანეს უკრაინის მოქალაქეობის აღდგენის მოთხოვნით, რადგან არ ისინი არ წარმოადგენენ სხვა ქვეყნის მოქალაქეებს. სასამართლომ მათ შუამდგომლობაზე საქმის წარმოება დაიწყო, - აღნიშნეს საინფორმაციო დეპარტამენტში. მას შემდეგ, რაც სბუ-მ არაერთხელ განაცხადა, რომ მან შეამოწმა უმე-ის ყველა ეპისკოპოსი ორმაგ მოქალაქეობაზე და არ გაუუქმებია უკრაინის მოქალაქეობა სხვა ეპისკოპოსებისთვის, რომლებიც მოხსენიებულია სიუჟეტში, ვიდეოში მოცემული ინფორმაცია არ შეიძლება შეესაბამებოდეს სიმართლეს.

განცხადებაში ხაზგასმულია, რომ მისი უნეტარესი მიტროპოლიტი ონუფრი დაბადებიდან არის უკრაინის მოქალაქე და არ აქვს სხვა სახელმწიფოს მოქალაქეობის დამადასტურებელი მოწმობა.

ასევე, სინოდალურმა დეპარტამენტმა აღნიშნა, რომ „ვიდეოს ავტორმა მტკიცებულებად წარმოადგინა კადრები საეჭვო და დაუდასტურებელი შინაარსით“.

„ამავდროულად, გასაკვირია, რომ უკრაინელი ჟურნალისტები დაჟინებით ეძებენ არარსებულ რუსულ პასპორტებს უკრაინის მართლმადიდებლური ეკლესიის ეპისკოპოსებთან და ამის ნაცვლად უგულებელყოფენ მეუ-ს წარმომადგენლების გულწრფელ განცხადებებს, რომ ამ რელიგიური ორგანიზაციის ეპისკოპოსებს აქვთ რუსეთის ფედერაციის და ლნრ-ის მოქალაქეობა“, - ნათქვამია დოკუმენტში.

როგორც მჟკ იტყობინება, უშიშროების საბჭოს მდივანმა ოლექსიე დანილოვმა განაცხადა, რომ უმე-ის არსებობა უკრაინაში 1991 წლიდან არის "სპეციალური ოპერაცია ჩვენი ტერიტორიის დასაპყრობად".

წაიკითხეთ ასევე