რმე გამოეხმაურა უმე-ის სინოდის გადაწყვეტილებას მირონის ხარშვის აღდგენის შესახებ

მირონის ხარშვის რიტუალი მოსკოვის მონასტერში. ფოტო: patriarhia.ru

უკრაინის მართლმადიდებელი ეკლესიის სინოდის გადაწყვეტილება მირონის ხარშვის აღდგენის შესახებ რუსეთის მართლმადიდებლური ეკლესიის თანხმობის გარეშე არ უნდა ყოფილიყო მიღებული. ამის შესახებ მოსკოვის სასულიერო აკადემიის პროფესორმა, დეკანოზმა ვლადისლავ ციპინმა TASS-სთან საუბრისას განაცხადა.

„უკანასკნელი საუკუნეების განმავლობაში მოხდა ისე, რომ მხოლოდ ავტოკეფალური ეკლესიები და მაშინაც არა ყველა მათგანი ასრულებს მირონის ხარშვის ცერემონიას. ოდესღაც კიევის მეტროპოლიაში მირონს ხარშავდნენ. ერთიანი რუსული ეკლესიის ნაწილი რომ გახდა, გარკვეული პერიოდის განმავლობაში, ერთი ან ორი ათწლეულის განმავლობაში, ისინი თავისთვის ხარშავდნენ მირონს, ამაზე იყო შეთანხმება. მაგრამ, რა თქმა უნდა, ახლა ეს არის ავტოკეფალიისკენ გადადგმული ნაბიჯი და ეს არ უნდა გადადგმულიყო საპატრიარქოსთან თანხმობის გარეშე“, - განაცხადა რუსეთის მართლმადიდებლური ეკლესიის დეკანოზმა.

შეგახსენებთ, რომ სინოდმა გადაწყვიტა განაახლოს მირონის ხარშვის რიტუალი უმე-ში.