საზოგადოება ივერიისამ ქართული ქრისტიანული ცენტრ-მუზეუმის კონცეპტუალური დიზაინის პროექტი კულტურის სამინისტროს გადასცა

კულტურის მინისტრი, თინათინ რუხახე და „საზოგადოება ივერიისას“ თავმჯდომარე, გიორგი თავაძე.ფოტო: კულტურის სამინისტრო

საზოგადოება ივერიისამ ქართული ქრისტიანული ცენტრ-მუზეუმის კონცეპტუალური დიზაინის პროექტი და მასთან დაკავშირებული ყველა უფლება კულტურის სამინისტროს უსასყიდლოდ გადასცა. ხელშეკრულებას ხელი მოაწერეს კულტურის მინისტრმა თინათინ რუხაძემ და „საზოგადოება ივერიისას“ თავმჯდომარემ გიორგი თავაძემ.

მუზეუმი განთავსდება მახათას მთაზე, ივერიის ღვთისმშობლის ხატის სახელობის ტაძრის მიმდებარედ. ეს იქნება უმაღლეს სტანდარტებზე დაყრდნობილი სამეცნიერო-კვლევითი და კულტურულ-საგანმანათლებლო დაწესებულება ქართული ქრისტიანული კულტურის პოპულარიზაციისთვის.

კონცეფტუალური დიზაინის შემუშავებისთვის საერთაშორისო კონკურსი 2019 წელს გაიმართა, რომელიც საქართველოს მთავრობის, საქართველოს მართლმადიდებელი ეკლესიისა და „საზოგადოება ივერიისას“ შორის თანამშრომლობის მემორანდუმის საფუძველზე გამოცხადდა. „საზოგადოება ივერიისას“ სრულად დააფინანსა გამარჯვებული პროექტის ავტორის, პორტუგალიელი არქიტექტორის ლუის შტავარეს პერეირას, კონცეპტუალური დიზაინის შექმნა.

მართლმადიდებელ ჟურნალისტთა კავშირი წერდა, საპატრიარქოში „ღირებულებითი განათლების“ პროექტის ფარგლებში სკოლების წარმომადგენლებთან სამუშაო შეხვედრა გაიმართა.

წაიკითხეთ ასევე