ალექსანდრიის საპატრიარქოში ორი წმინდანის კანონიზაცია მოხდა

ორი წმინდანის კანონიზაცია ალექსანდრიის საპატრიარქოში. ფოტო: romfea

2025 წლის 8 ოქტომბერს, ოთხშაბათს, ალექსანდრიის საპატრიარქოს წმინდა სინოდმა ოფიციალურად გამოაცხადა ორი მნიშვნელოვანი სასულიერო პირის – მამა ქრიზოსტომოს პაპასარანტოპულოსისა და ალექსანდრიის პატრიარქის, სილვესტროსის – კანონიზაცია. ინფორმაცია ამის შესახებ Romfea.gr-მ გაავრცელა.

სილვესტერ ალექსანდრიის პატრიარქი
სილვესტერი პატრიარქი იყო 1565/69-1590 წლებში, წარმოშობით კრეტიდან. მისი პატრიარქობის პერიოდში ეგვიპტეში ეკლესიისა და ქრისტიანების მდგომარეობა რთული იყო. 1571 წელს ნაფპაქტოსთან თურქული ფლოტის დამარცხების შემდეგ ეგვიპტეში ანტიქრისტიანული პოგრომები დაიწყო, რომის კათოლიკური ეკლესია კი პროზელიტურ საქმიანობას ეწეოდა. სილვესტერი კატეგორიულად ეწინააღმდეგებოდა მართლმადიდებლების გრიგორიანული კალენდრის მიღებას.

პატრიარქმა თავის მემკვიდრედ კრეტიდან ჩამოიყვანა ახალგაზრდა მეცნიერი მელეტიოს პიგასი, რომელიც პადუას უნივერსიტეტში სწავლობდა და 1574 წელს იერუსალიმში შეხვდა. სილვესტერმა იგი დიაკვნად და პრესვიტერად აკურთხა.

მისი მმართველობის დროს ეგვიპტეში ორი რუსული საელჩო მივიდა, რომლებიც საპატრიარქოს ფინანსურ შემოწირულობებს ურიგებდნენ.

მამა ქრიზოსტომოს პაპასარანტოპულოსი
მამა ქრიზოსტომოსი დაიბადა 1903 წელს მესინიის ვასილიცაში. ახალგაზრდა ასაკში ბერი და შემდეგ მღვდელი გახდა. ვიკარიუსის თანამდებობას იკავებდა მესინიაში, ედესასა და თესალონიკში, ასევე იღუმენი იყო სალამინის ფანერომენისა და გარდიკის მონასტერში.

57 წლის ასაკში მისი მისიონერული მოღვაწეობა აფრიკაში დაიწყო – უგანდაში, შემდეგ კი მისია კენიაში, ტანზანიასა და კონგოში გაავრცელა. მამა ქრიზოსტომოსი გარდაიცვალა 1972 წლის 29 დეკემბერს. იგი მეორე ბერძენი მისიონერი იყო აფრიკაში, მცირე აზიის პიონერ არქიმანდრიტ ნიკოდიმოს სარიკასის შემდეგ.

მართლმადიდებელ ჟურნალისტთა კავშირი წერდა, რუმინეთის პატრიარქი დანიელის პატრიარქად არჩევიდან 18 წელი შესრულდა.

წაიკითხეთ ასევე