საჩხერეში კონკურს-ფესტივალი „ქართული საგალობლები“ გაიმართა
საჩხერეში გამართულ სრულიად საქართველოს VIII კონკურს-ფესტივალზე „ქართული საგალობლები“ ქუთაის-გაენათის ეპარქიის ტრადიციული გალობის სტუდია „სიხარულის“ აღსაზრდელებმა მონაწილეობა მიიღეს.
28-29 სექტემბერს საჩხერეში სრულიად საქართველოს VIII კონკურს-ფესტივალი „ქართული საგალობლები“ გაიმართა, რომელიც საქართველოში ქრისტიანობის სახელმწიფო რელიგიად გამოცხადების 1700 წლისთავს მიეძღვნა.
კონკურს-ფესტივალის ფინალურ ეტაპზე, სხვა მგალობელთა გუნდებთან ერთად, ქუთათელ-გაენათელი მიტროპოლიტ იოანეს ლოცვა-კურთხევით მონაწილეობდა ქუთაის-გაენათის ეპარქიასთან არსებული ტრადიციული გალობის სტუდია „სიხარულის“ გუნდი.
ფესტივალის ფარგლებში სხვადასხვა ნომინაციაში გამოვლინდნენ გამარჯვებულები. „საუკეთესო რეგენტის“ წოდება ქუთაის-გაენათის ეპარქიის ტრადიციული გალობის სტუდია „სიხარულის“ რეგენტმა შიო მუშკუდიანმა მოიპოვა.
კონკურს-ფესტივალში მონაწილეობა მნიშვნელოვანი შესაძლებლობა იყო ახალგაზრდა მგალობლებისთვის, წარმოეჩინათ ქართული ტრადიციული საეკლესიო გალობის მრავალსაუკუნოვანი კულტურა და საკუთარი შემოქმედებითი გამოცდილება გაეზიარებინათ მონაწილე გუნდებისთვის.
მართლმადიდებელ ჟურნალისტთა კავშირი წერდა, რაჭა-ლეჩხუმში სამდღიანი მოლოცვა 200-მდე ადამიანმა 1700 წლის იუბილეს მიუძღვნა.
