საქართველოს კათოლიკოს-პატრიარქმა წიგნების სერიის რედაქტორები მიიღო
შეხვედრას ესწრებოდნენ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე და მისი მოადგილე, დეკანოზი გურამ ჭარელაშვილი.
ამა წლის 16 ოქტომბერს უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ საპატრიარქო რეზიდენციაში მიიღო ბელგიისა და ჰოლანდიის ეპისკოპოსი დოსითეოსი (ბოგვერაძე), იღუმენები: ეფრემი (ლომიძე) და ლეონიდე (ებრალიძე), ასევე შოთა კინწურაშვილი და ნინო საძაგლიშვილი, რომლებიც წიგნების სერიის - „საეკლესიო საგანმანათლებლო თავნი“ - გამოცემაში მონაწილეობენ.
შეხვედრას ესწრებოდნენ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე და მისი მოადგილე, დეკანოზი გურამ ჭარელაშვილი.
შეხვედრაზე წარადგინეს სერია „საეკლესიო საგანმანათლებლო თავნი“, რომლის მომზადებაშიც საზღვარგარეთ მოღვაწე ქართველი სასულიერო პირები და თეოლოგები მონაწილეობენ. მათ შორის არიან გერმანიაში, ავსტრიასა და საბერძნეთში მოღვაწე სადოქტორო ხარისხის მქონე მკვლევრები.
სერიის მიზანია საზღვარგარეთ მყოფი ქართველი თეოლოგების გაერთიანება, მათი სამეცნიერო-საგანმანათლებლო საქმიანობის ხელშეწყობა და საქართველოს ეკლესიასთან კავშირის გაღრმავება.
აღინიშნა, რომ ამ საქმიანობის გაგრძელებისთვის კათოლიკოს-პატრიარქის კურთხევასა და მხარდაჭერას დიდი მნიშვნელობა აქვს.
შეხვედრის დასასრულს მისმა უწმინდესობამ სტუმრებს ღირს ალექსი სენაკელის (შუშანია) შესახებ დაწერილი წიგნები და საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით დამზადებული სამღვდელო და საიუბილეო ჯვრები აჩუქა. თავის მხრივ, სტუმრებმაც მის უწმინდესობას ახალი წიგნები უსახსოვრეს.
მართლმადიდებელ ჟურნალისტთა კავშირი წერდა, საქართველოს კათოლიკოს-პატრიარქის სიტყვა საქართველოს გაქრისტიანების 1700 წლისთავზე.
0
0
სრულიად საქართველოს პატრიარქი შიო მესამე
მართლმადიდებლობა
დეკანოზი გურამ ჭარელაშვილი
დეკანოზი ანდრია ჯაღმაიძე
თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ
პატრიარქი ბართლომეოსი ბულგარეთში ჩავიდა
დღეს 10:28
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
16 ოქტომბერი 22:47
