„პალიასტომის“ ღვთისმშობლის ხატი ბაგრატის საკათედრო ტაძარში მიაბრძანეს
11 ოქტომბერს ქუთათელ-გაენათელმა მიტროპოლიტმა იოანემ საღმრთო ლიტურგია და სამშვიდობო პარაკლისი აღასრულა.
პალიასტომის ღვთისმშობლის ხატი (შემდგომში ცნობილი როგორც ქუთაისის ყოვლადწმინდა ღვთისმშობელი) შუა საუკუნეების ქართული საეკლესიო ხელოვნებისა და ისტორიოგრაფიის ერთ-ერთი მნიშვნელოვანი ძეგლია.
პალიასტომის ღვთისმშობლის სასწაულმოქმედი ხატის დღესასწაული ყოველი წლის 11 ოქტომბერს (ძველი სტილით 28 სექტემბერს) აღინიშნება. ხატზე ღვთისმშობელი მარიამი ყრმასთან ერთად არის გამოსახული.
11 ოქტომბერს ქუთაისის სახელმწიფო ისტორიული მუზეუმიდან ქუთაისის მფარველი „პალიასტომის“ ყოვლადწმინდა ღვთისმშობლის ხატი გამოაბრძანეს და ქუთაისის ყოვლადწმინდა ღვთისმშობლის მიძინების სახელობის სიონის — ბაგრატის საკათედრო ტაძარში მიაბრძანეს.
საკათედრო ტაძარში საღმრთო ლიტურგია აღასრულა მაღალყოვლადუსამღვდელოესმა ქუთათელ-გაენათელმა მიტროპოლიტმა იოანემ.
მღვდელმთავარმა ასევე შეასრულა სამშვიდობო პარაკლისი და მშვიდობისათვის ლოცვა აღავლინა.
მართლმადიდებელ ჟურნალისტთა კავშირი წერდა, 11 ოქტომბერს „პალიასტომის“ ღვთისმშობლის ხატს ბაგრატის ტაძარში მიაბრძანებენ.
