ბოლნისის ეპარქიაში ფეხით მსვლელობა გაიმართა
საიუბილეო ღონისძიების ფარგლებში ეპარქიას მცხეთა-თბილისის ეპარქიის მახარობელთა ჯგუფი ეწვია და საქართველოს განმანათლებლების ხატი მოაბრძანა.
ბოლნისის ეპარქიაში საქართველოში ქრისტიანობის სახელმწიფო რელიგიად გამოცხადების 1700 წლისთავის აღსანიშნავად ფეხით მსვლელობა გაიმართა.
საიუბილეო ღონისძიების ფარგლებში ეპარქიას მცხეთა-თბილისის ეპარქიის მახარობელთა ჯგუფი სტუმრობდა. ჯგუფის წევრებმა საქართველოს განმანათლებლების ხატი მოაბრძანეს, რომელიც ეპარქიის სხვადასხვა ტაძარში დაბრძანდა.
ხატი დაბრძანებული იყო ცურტავის წმინდა ქეთევან დედოფლის, რაჭისუბნისა და ბოლნისის ღვთისმშობლის შობის სახელობის ტაძრებში, აგრეთვე ბოლნისის სიონის საკათედრო ტაძარსა და კაზრეთის წმინდა სამების სახელობის ტაძარში.
მსვლელობა და საქართველოს განმანათლებლების ხატის მობრძანება საქართველოში ქრისტიანობის სახელმწიფო რელიგიად გამოცხადების საიუბილეო თარიღის აღნიშვნას მიეძღვნა.
მართლმადიდებელ ჟურნალისტთა კავშირი წერდა, საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით მომლოცველობითი მსვლელობა დაიწყო.
