წმინდა გაბრიელ ეპისკოპოსის სახელობის სკოლა-გიმნაზიის პროექტმა ეროვნული ხარისხის ნიშანი მოიპოვა
სკოლის მე-10 ა კლასის მოსწავლეების მიერ განხორციელებული პროექტი „My Voice, Our Future“ საერთაშორისო თანამშრომლობისა და აქტიური მოქალაქეობის საკითხებს შეეხებოდა.
წმინდა გაბრიელ ეპისკოპოსის სახელობის სკოლა-გიმნაზიის eTwinning-ის პროექტმა „My Voice, Our Future“ ეროვნული ხარისხის ნიშანი მოიპოვა.
აღიარება სკოლის მე-10 ა კლასის მოსწავლეების აქტიური ჩართულობისა და პროექტის ფასილიტატორი პედაგოგის, ფიქრია ცერცვაძის, პროფესიული საქმიანობისა და ენთუზიაზმის შედეგია.
პროექტის ფარგლებში მოსწავლეებმა სხვადასხვა ქვეყნის თანატოლებთან თანამშრომლობით იმუშავეს აქტუალურ საკითხებზე. მათ განიხილეს აქტიური მოქალაქეობის მნიშვნელობა და ახალგაზრდების როლი საზოგადოების განვითარებაში, ადამიანის უფლებების დაცვა და თანასწორობა, ასევე კულტურული მრავალფეროვნების პატივისცემა და სხვადასხვა კულტურის წარმომადგენლებს შორის დიალოგი.
პროექტმა მოსწავლეებს შესაძლებლობა მისცა, საერთაშორისო საგანმანათლებლო სივრცეში საკუთარი მოსაზრებები გაეზიარებინათ და თანამშრომლობის გზით სხვადასხვა საზოგადოებისთვის მნიშვნელოვან საკითხებზე ემსჯელათ.
სკოლა-გიმნაზიისთვის ეროვნული ხარისხის ნიშნის მოპოვება მოსწავლეებისა და პედაგოგის ერთობლივი მუშაობის მნიშვნელოვანი აღიარებაა.
მართლმადიდებელ ჟურნალისტთა კავშირმა დაწერა, გორის სკოლა-გიმნაზიაში ქრისტიანობის 1700 წლისთავთან დაკავშირებით შეხვედრა გაიმართა.
