სასულიერო პირთა გადამზადება ღირებულებითი განათლების მიმართულებით გრძელდება
24–26 აგვისტოს ხორნაბუჯისა და ჰერეთის, ნეკრესის, ბოდბის, გურჯაანისა და ველისციხის ეპარქიების სასულიერო პირებისთვის ღირებულებითი განათლების კლუბების პროგრამის ფარგლებში მორიგი გადამზადება გაიმართა.
სკოლებში ღირებულებითი განათლების კლუბების პროგრამის ფარგლებში სასულიერო პირთა გადამზადება გრძელდება.
24–26 აგვისტოს გამართულ გადამზადებაში მონაწილეობდნენ ხორნაბუჯისა და ჰერეთის, ნეკრესის, ბოდბის, გურჯაანისა და ველისციხის ეპარქიების სასულიერო პირები.
გადამზადების ფარგლებში მონაწილეები გაეცნენ მოზარდებთან ეფექტიანი კომუნიკაციის, არაფორმალური განათლებისა და თანამედროვე სწავლების მეთოდებს. განსაკუთრებული ყურადღება დაეთმო იმ ღირებულებით და ცხოვრებისეულ საკითხებს, რომლებიც მნიშვნელოვანია მოსწავლეთა პიროვნული და სოციალური განვითარებისთვის.
გადამზადებული სასულიერო პირები სკოლებში ღირებულებითი განათლების კლუბებს გაუძღვებიან და მოზარდებთან შეხვედრებს არაფორმალური განათლების ფორმატში წარმართავენ.
პროგრამის მთავარი მიზანია სკოლებში უსაფრთხო, მხარდამჭერი და ღირებულებებზე დაფუძნებული გარემოს გაძლიერება, რაც ახალგაზრდების პიროვნულ განვითარებასა და საზოგადოებაში მათი პასუხისმგებლიანი ჩართულობის ხელშეწყობას ემსახურება.
მართლმადიდებელ ჟურნალისტთა კავშირი წერდა, საქართველოს საპატრიარქო განცხადებას ავრცელებს.
