საქართველოს საპატრიარქო განცხადებას ავრცელებს
მოქალაქეებს მოუწოდებენ, სიფრთხილით მოეკიდონ სასულიერო პირების სახელით გავრცელებულ საეჭვო ინფორმაციასა და თანხის ჩარიცხვის მოთხოვნებს.
ბოლო პერიოდში სოციალურ ქსელში გახშირდა შემთხვევები, როდესაც გამოგონილი ან ყალბი სასულიერო პირის სახელით იქმნება გვერდები და ვრცელდება სხვადასხვა სახის ინფორმაცია, სტატუსი და ფოტო, რომელთა მიზანიც მოქალაქეების შეცდომაში შეყვანაა.
გავრცელებულ მასალებში ხშირად ითხოვენ თანხის ჩარიცხვას, თითქოს „მძიმე სნეული“ სასულიერო ან საერო პირის დასახმარებლად. აღნიშნული ინფორმაციის ნამდვილობა კი შესაძლოა საეჭვო იყოს.
მოქალაქეებს მოუწოდებენ, განსაკუთრებული სიფრთხილით მოეკიდონ მსგავს სტატუსებსა და განცხადებებს, შეძლებისდაგვარად გადაამოწმონ კონკრეტული პირის ვინაობა და ინფორმაციის სისწორე, ასევე დარწმუნდნენ, ხორციელდება თუ არა აღნიშნული საქველმოქმედო ინიციატივა შესაბამისი ლოცვა-კურთხევით.
განსაკუთრებით მნიშვნელოვანია იმის გათვალისწინება, რომ თანამედროვე ტექნოლოგიებისა და ხელოვნური ინტელექტის საშუალებით დღეს საკმაოდ მარტივია ყალბი ფოტოების, ტექსტებისა და სხვა მასალების შექმნა, რომლებმაც შესაძლოა შეცდომაში შეიყვანოს გულისხმიერი ადამიანები.
სანამ თანხას ჩარიცხავთ ან მსგავს ინფორმაციას გაავრცელებთ, გადაამოწმეთ მისი სანდოობა და გამოიყენეთ მხოლოდ ოფიციალური და დადასტურებული წყაროები.
მართლმადიდებელ ჟურნალისტთა კავშირი წერდა, საპატრიარქოს წარმომადგენლებმა მსჯავრდადებულებს პეტრე-პავლობის დღესასწაული მიულოცეს.
