შოვის ტრაგედიის დროს დაღუპულთა სულის მოსახსენიებელი პანაშვიდი აღესრულა
პანაშვიდს დაესწრნენ საქართველოს პრემიერ-მინისტრი, მთავრობისა და პარლამენტის წევრები, ადგილობრივი ხელისუფლების წარმომადგენლები.
2023 წლის 3 აგვისტოს, დაახლოებით 15:00-16:00 საათზე, რაჭაში, ონის მუნიციპალიტეტის მაღალმთიან კურორტ შოვში დატრიალდა XXI საუკუნის საქართველოს ერთ-ერთი ყველაზე მძიმე სტიქიური უბედურება.
მომხდარ გლაციალურ (მყინვარულ) ღვარცოფს 33 ადამიანის სიცოცხლე ემსხვერპლა. მათ შორის ბავშვები და მთელი ოჯახები.
ტრაგედიიდან სამი წლისთავთან დაკავშირებით, სტიქიის ადგილზე ნიკორწმინდის ეპარქიის სასულიერო პირებმა აღასრულეს შოვის ტრაგედიის დროს დაღუპულთა სულის მოსახსენიებელი პანაშვიდი.
პანაშვიდს დაესწრნენ საქართველოს პრემიერ-მინისტრი, მთავრობისა და პარლამენტის წევრები, ადგილობრივი ხელისუფლების წარმომადგენლები, დაღუპულთა ოჯახის წევრები და მოქალაქეები, რომლებმაც პატივი მიაგეს ტრაგედიის მსხვერპლთა ხსოვნას.
მართლმადიდებელ ჟურნალისტთა კავშირი ადრე წერდა, ვუსამძიმრებ სრულიად საქართველოს ამ უდიდეს დანაკარგს - მიხეილ ყაველაშვილი.
