მიტ. იოანემ წმინდა კვირიკესა და ივლიტეს სახელობის ტაძარში ლიტურგია აღავლინა
ღვთისმსახურება წმინდა მოწამეთა კვირიკესა და ივლიტეს ხსენების დღეს შესრულდა.
28 ივლისს, წმინდა მოწამეთა კვირიკესა და ივლიტეს ხსენების დღეს, მისმა მაღალყოვლადუსამღვდელოესობამ ქუთათელ-გაენათელმა მიტროპოლიტმა იოანემ სოფელ ტყაჩირის წმინდა კვირიკესა და ივლიტეს სახელობის ტაძარში სადღესასწაულო საღმრთო ლიტურგია აღავლინა.
სადღესასწაულო ღვთისმსახურებას ადგილობრივი სამღვდელოება, მრევლი და მომლოცველები ესწრებოდნენ, რომლებმაც წმინდა მოწამეთა ხსენების დღე ერთობლივი ლოცვით აღნიშნეს.
წმინდა კვირიკე და ივლიტე ქრისტიანული ეკლესიის ერთ-ერთი გამორჩეული მოწამეები არიან, რომელთა ხსენებას მართლმადიდებელი ეკლესია ყოველწლიურად განსაკუთრებული პატივით აღნიშნავს.
მართლმადიდებელ ჟურნალისტთა კავშირი წერდა, ახმეტაში წმინდა კვირიკესა და ივლიტას ხსენების დღეს პარაკლისი აღევლინა.
