გარდაიცვალა ცაგერისა და ლენტეხის ეპარქიის მღვდელმსახური, დეკანოზი ლევან გოლეთიანი
28–30 ივლისს ცაგერში აღევლინება წირვა-ლოცვა, პანაშვიდები და წესის აგება, რის შემდეგაც დეკანოზ ლევანს მშობლიურ სოფელ ნაკურალეშში დაკრძალავენ.
ცაგერისა და ლენტეხის, აგრეთვე ჭყონდიდის ეპარქიებმა მწუხარებით გაავრცელეს ინფორმაცია ცაგერისა და ლენტეხის ეპარქიის მღვდელმსახურის, დეკანოზ ლევან გოლეთიანის გარდაცვალების შესახებ.
ეპარქიის ცნობით, 28 და 29 ივლისს ცაგერის ყოვლადწმინდა ღვთისმშობლის მიძინების სახელობის საკათედრო ტაძარში დეკანოზ ლევანის სულის მოსახსენებლად წირვა-ლოცვა და პანაშვიდები აღევლინება.
30 ივლისს, დილის 07:00 საათზე, იმავე ტაძარში აღესრულება საღმრთო ლიტურგია და წესის აგება. ამის შემდეგ, 12:00 საათზე, მიცვალებულს მის მშობლიურ სოფელ ნაკურალეშში გადაასვენებენ, სადაც წმინდა გიორგის სახელობის ტაძარში პანაშვიდი აღევლინება, ხოლო დაკრძალვა დიდგორის გორაზე გაიმართება.
ცაგერისა და ლენტეხის, აგრეთვე ჭყონდიდის ეპარქიები სასულიერო პირებსა და მორწმუნეებს მოუწოდებენ, თავიანთ წმინდა ლოცვებში მოიხსენიონ დეკანოზ ლევან გოლეთიანის სული.
მართლმადიდებელ ჟურნალისტთა კავშირი ადრე წერდა, ვრცელდება სრულიად საქართველოს კათოლიკოს-პატრიარქის სამძიმარი.
