კათოლიკოს-პატრიარქ შიო III-ის სამძიმარი ელენე აბაშიძის გარდაცვალების გამო
საქართველოს კათოლიკოს-პატრიარქი ცნობილი ქართველი გეოლოგის, მეცნიერისა და პედაგოგის გარდაცვალებას ეხმიანება და მის ოჯახს უსამძიმრებს.
სრულიად საქართველოს კათოლიკოს-პატრიარქმა შიო III-მ ცნობილი ქართველი მეცნიერის, გეოლოგისა და პედაგოგის, ელენე აბაშიძის გარდაცვალების გამო სამძიმრის წერილი გაავრცელა.
პატრიარქი აღნიშნავს, რომ ქალბატონმა ელენე აბაშიძემ მრავალწლიანი ნაყოფიერი სამეცნიერო და პედაგოგიური საქმიანობით განსაკუთრებული კვალი დატოვა ქართულ გეოლოგიაში, ხოლო მისმა ფუნდამენტურმა კვლევებმა საერთაშორისო აღიარება მოიპოვა. წერილში ხაზგასმულია, რომ იგი მსოფლიო მეცნიერ ქალთა შორის „წლის ქალის“ საპატიო წოდებითაც იყო დაჯილდოებული.
შიო III ასევე იხსენებს ელენე აბაშიძეს, როგორც კეთილშობილ, მოკრძალებულ და საზოგადოებრივად აქტიურ პიროვნებას, რომელიც სიცოცხლის ბოლომდე შემოქმედებითი ენერგიითა და მოღვაწეობის სურვილით გამოირჩეოდა.
„აღვავლენთ ლოცვებს ქალბატონი ელენეს უკვდავი სულისთვის, რათა უფალმან სავანესა მართალთასა დააწესოს იგი, ხოლო მისი ოჯახის წევრებსა და ახლობლებს მიმადლოს მშვიდობა და ძალა მისთვის ლოცვისა“, — აღნიშნულია სრულიად საქართველოს კათოლიკოს-პატრიარქ შიო III-ის სამძიმრის წერილში.
მართლმადიდებელ ჟურნალისტთა კავშირი წერდა, სრულიად საქართველოს კათოლიკოს-პატრიარქი საფრანგეთის ელჩს შეხვდა.
