სერბეთის პატრიარქმა ბელგრადში ტრამპის მრჩეველი, მარკ ბერნსი მიიღო
სერბეთის მართლმადიდებლურ ეკლესიასა და სერბეთის რესპუბლიკაში ვიზიტის ფარგლებში, ბერნსი რამდენიმე სერბულ მართლმადიდებლურ მონასტერსა და ეკლესიას ეწვევა.
სერბეთის პატრიარქმა პორფირიმ 3 ივლისს, ბელგრადის საპატრიარქო სასახლეში მიიღო აშშ-ის პრეზიდენტის, დონალდ ტრამპის სულიერი მრჩეველი, პასტორი, დოქტორი მარკ ბერნსი. ინფორმაციას ავრცელებს orthodoxtimes.
შეხვედრას ესწრებოდნენ სერბეთის მართლმადიდებლური ეკლესიის ეპისკოპოსთა წმინდა სინოდის წევრები, მათ შორის ბაჩკის მიტროპოლიტი ირინეი და შუმადიის მიტროპოლიტი იოვანე.
სერბეთის საპატრიარქოს ცნობით, დისკუსიები ურთიერთგაგების სულისკვეთებით წარიმართა და ფოკუსირებული იყო ორ ქრისტიან ერსა და ხალხს შორის თანამშრომლობის განმტკიცებაზე.
სერბეთის მართლმადიდებლურ ეკლესიასა და სერბეთის რესპუბლიკაში ვიზიტის ფარგლებში, ბერნსი, სავარაუდოდ, რამდენიმე სერბულ მართლმადიდებლურ მონასტერსა და ეკლესიას მოინახულებს.
შეხვედრას ასევე ესწრებოდნენ ნოვო ბრდოს ეპისკოპოსი ილარიონი, ფეი ნემერი, ამერიკის სავაჭრო პალატის ახლო აღმოსავლეთისა და ჩრდილოეთ აფრიკის აღმასრულებელი დირექტორი; გორან პეტკოვიჩი, Gemini Transport-ის აღმასრულებელი დირექტორი და ორგანიზაცია „სერბები ტრამპისთვის“ თანადამფუძნებელი, მაიკ მანსური, ტრამპის ადმინისტრაციაში ახლო აღმოსავლეთის საკითხებში უფროსი მრჩეველი და სერბეთის საპატრიარქოსა და ბერნსის დელეგაციის სხვა წარმომადგენლები.
მჟკ წერდა, რვა ადგილობრივი ეკლესიის იერარქებმა საბერძნეთში ერთობლივი ლიტურგია აღავლინეს.
