პროტოპრესვიტერ გიორგი ზვიადაძეს დაბადების დღე მიულოცეს
თბილისის სასულიერო აკადემიისა და სემინარიის რექტორს ეკლესიის, განათლებისა და მეცნიერების წინაშე გაწეული მრავალწლიანი ღვაწლისთვის განსაკუთრებული პატივისცემა გამოუცხადეს.
თბილისის სასულიერო აკადემიისა და სემინარიის რექტორს, პროტოპრესვიტერ გიორგი ზვიადაძეს, დაბადების დღე მიულოცეს და მრავალწლიანი საეკლესიო, საგანმანათლებლო და სამეცნიერო მოღვაწეობისთვის მადლიერება გამოხატეს.
მისალოც წერილში აღნიშნულია, რომ მამა გიორგი უკვე წლებია განსაკუთრებული პასუხისმგებლობით, გონიერებითა და ერთგულებით ხელმძღვანელობს თბილისის სასულიერო აკადემიასა და სემინარიას. მისი ხელმძღვანელობის პერიოდში სასწავლებელი ჩამოყალიბდა როგორც საღვთისმეტყველო და სამეცნიერო აზრის მნიშვნელოვანი ცენტრი, სადაც ეკლესიის ტრადიციები თანამედროვე აკადემიურ სტანდარტებთანაა შერწყმული.
მისალოც ტექსტში ხაზგასმულია ასევე პროტოპრესვიტერ გიორგი ზვიადაძის მრავალმხრივი სამეცნიერო საქმიანობა. როგორც თეოლოგიის, ფილოლოგიისა და პოლიტიკის მეცნიერებათა დოქტორი, იგი მნიშვნელოვან წვლილს დებს სასულიერო განათლებისა და სამეცნიერო კვლევების განვითარებაში, ხოლო მისი საქმიანობა მომავალი თაობებისთვის პროფესიული და სულიერი ორიენტირის ფუნქციას ასრულებს.
მილოცვაში განსაკუთრებული ყურადღება ეთმობა მის ერთგულებას სრულიად საქართველოს კათოლიკოს-პატრიარქ ილია II-ისადმი, ასევე მის ძალისხმევას ახალგაზრდების სულიერი და ინტელექტუალური აღზრდის საქმეში. ხაზგასმულია მისი ადამიანური დამოკიდებულება, მზრუნველობა და მხარდაჭერა სტუდენტებისა და თანამშრომლების მიმართ.
მილოცვის დასასრულს პროტოპრესვიტერ გიორგი ზვიადაძეს უსურვეს ჯანმრთელობა, სულიერი სიმტკიცე, მრავალჟამიერი სიცოცხლე და ნაყოფიერი მოღვაწეობის გაგრძელება საქართველოს ეკლესიის, განათლებისა და ქვეყნის საკეთილდღეოდ.
მართლმადიდებელ ჟურნალისტთა კავშირი ადრე წერედა, რომ თბილისის სასულიერო აკადემია და სემინარია Erasmus+ პროგრამის ფარგლებში საერთაშორისო მობილობის კონკურსს აცხადებს
