ზუგდიდში წმინდა ნიკოლოზის სახელობის ახალი ტაძრის მშენებლობა იწყება
ზუგდიდისა და ცაიშის მიტროპოლიტ გერასიმეს ლოცვა-კურთხევით ქალაქში დიდი მღვდელმთავრის, წმინდა ნიკოლოზის ტაძარი აშენდება.
ზუგდიდში, ღვთის წყალობითა და ზუგდიდისა და ცაიშის მიტროპოლიტ გერასიმეს ლოცვა-კურთხევით, დიდი მღვდელმთავრისა და საკვირველთმოქმედის, წმინდა ნიკოლოზის სახელობის ახალი ტაძრის მშენებლობა იწყება.
ტაძრის აგება მნიშვნელოვანი მოვლენა იქნება როგორც ადგილობრივი მართლმადიდებელი მრევლისთვის, ისე მთლიანად რეგიონის სულიერი ცხოვრებისთვის. ახალი სალოცავი კიდევ უფრო გააძლიერებს საეკლესიო და საზოგადოებრივ ცხოვრებას და მორწმუნეებს ლოცვისა და სულიერი განმტკიცების ახალ სივრცეს შესთავაზებს.
წმინდა ნიკოლოზი ერთ-ერთი ყველაზე გამორჩეული წმინდანია ქრისტიანულ სამყაროში, რომლის მეოხებას მრავალი მორწმუნე განსაკუთრებული სასოებით მიმართავს.
„წმინდა ნიკოლოზის მეოხებით, უფალმა დალოცოს ტაძრის აღმშენებელნი და მშრომელნი მისნი. ამინ“ — აღნიშნულია გავრცელებულ ინფორმაციაში.
მართლმადიდებელ ჟურნალისტთა კავშირი წერდა, კულტურული მემკვიდრეობის დაცვის ეროვნული სააგენტოს განცხადება.
