მედიის ცნობით, პატრიარქი თეოფილე lll უკრაინაში ომის შესახებ მოლაპარაკებებში შუამავლის როლს შეასრულებს
აშშ-ის პრეზიდენტმა დონალდ ტრამპმა იერუსალიმის მართლმადიდებლური ეკლესიის წინამძღვარი ცეცხლის შეწყვეტის შესახებ მთავარ შუამავლად დაასახელა.
დონალდ ტრამპმა მხარი დაუჭირა იერუსალიმის პატრიარქ თეოფილე III-ის კანდიდატურას უკრაინაში მშვიდობის დამყარების დიპლომატიურ ძალისხმევაში შუამავლის თანამდებობაზე, იტყობინება Ynet News.
გადაწყვეტილება მიღებულ იქნა თეთრ სახლში დაახლოებით 40 წუთიანი შეხვედრის შემდეგ. ამერიკელი ლიდერი იერუსალიმის ეკლესიის მეთაურს მიიჩნევს ფიგურად, რომელსაც შეუძლია მეომარ მხარეებს შორის ეფექტური კომუნიკაციის არხის დამყარება.
პატრიარქი თეოფილე შეირჩა მართლმადიდებლურ სამყაროში მისი მაღალი რეპუტაციისა და კონფლიქტის ორივე მხარის მიერ მის მიმართ გამოვლენილი ნდობის გამო. დიპლომატიური წრეები მას აღწერენ, როგორც „არაპოლიტიკურ ფიგურას“, რომელსაც აქვს „რელიგიური და მორალური სანდოობა“.
სამშვიდობო ინიციატივის ფარგლებში, პატრიარქი თეოფილე რუსეთის პრეზიდენტ ვლადიმერ პუტინს 2026 წლის ივნისის ბოლოს შეხვდება. ვაშინგტონი იმედოვნებს, რომ უკრაინის ფრონტზე პროგრესი თეთრ სახლს მსოფლიოს სხვა რეგიონებში თავისი სტრატეგიული პრიორიტეტების შეცვლის საშუალებას მისცემს.
მართლმადიდებელ ჟურნალისტთა კავშირის ცნობით, პატრიარქმა თეოფილოსმა დონალდ ტრამპს იერუსალიმის ეკლესიის უმაღლესი ორდენი გადასცა. თეთრ სახლში გამართული საუბრისას ტრამპმა კიდევ ერთხელ დაადასტურა თავისი ერთგულება მთელ მსოფლიოში ქრისტიანული თემებისა და წმინდა ადგილების დაცვის მიმართ. მხარეებმა განიხილეს ახლო აღმოსავლეთში ქრისტიანული თემების მდგომარეობა. პატრიარქმა თეოფილოსმა აშშ-ის პრეზიდენტს მოუწოდა, დაეხმაროს რეგიონში მორწმუნეების დაცვაში.
