28 მაისს დავითგარეჯში ღირს მამა დავით გარეჯელის ხსენების დღე აღინიშნა
სულთმოფენობის წინ, დავითგარეჯის მამათა მონასტერში შიო III-მ პარაკლისი აღავლინა და მრევლს ქადაგებით მიმართა.
საქართველოს მართლმადიდებელმა ეკლესიამ 28 მაისს ღირსი მამა დავით გარეჯელის ხსენების დღე აღნიშნა. დღესასწაულთან დაკავშირებით, დავითგარეჯის მამათა მონასტერში პარაკლისი აღავლინა სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ.
სადღესასწაულო მსახურებას სასულიერო პირები და მრავალი მორწმუნე ესწრებოდა. პარაკლისის დასრულების შემდეგ პატრიარქმა მრევლი დალოცა და ქადაგებით მიმართა, სადაც ღირსი მამა დავით გარეჯელის ღვაწლსა და მის განსაკუთრებულ მნიშვნელობაზე ისაუბრა ქართული ეკლესიისა და ერის სულიერ ცხოვრებაში.
ღირსი მამა დავით გარეჯელი ერთ-ერთი ასურელი მამაა, რომელმაც VI საუკუნეში საქართველოში მონაზვნური ცხოვრება განამტკიცა და დავითგარეჯის უდაბნოში სამონასტრო ცხოვრება დააარსა. მისი სახელი საუკუნეების განმავლობაში ქართული სულიერების, ასკეტიზმისა და ქრისტიანული ერთგულების სიმბოლოდ რჩება.
მართლმადიდებელ ჟურნალისტთა კავშირი წერდა, პატრიარქი შიო III დღეს სულთმოფენობის ლოცვას, ხვალ კი სადღესასწაულო ლიტურგიას აღასრულებს.
