ახალგაზრდა ლიდერთა აკადემიაში ჩინეთის საელჩოს წარმომადგენლის მონაწილეობით შეხვედრა გაიმართა
მოსწავლეებმა და სტუდენტებმა ჩინეთში სწავლის შესაძლებლობებზე, სტიპენდიებსა და უნივერსიტეტებში ჩარიცხვის პირობებზე დეტალური ინფორმაცია მიიღეს.
25 მაისს ახალგაზრდა ლიდერთა აკადემიაში გაიმართა საგანმანათლებლო ხასიათის შეხვედრა, რომელსაც ჩინეთის საელჩოს წარმომადგენელი დაესწრო. ღონისძიებაში მონაწილეობდნენ მოსწავლეები და სტუდენტები, რომლებიც დაინტერესებულნი არიან საერთაშორისო განათლებითა და ჩინეთში სწავლის შესაძლებლობებით.
შეხვედრის ფარგლებში მონაწილეებმა მიიღეს ინფორმაცია ჩინეთში მოქმედი უნივერსიტეტების, სასწავლო პროგრამების, სტიპენდიული შესაძლებლობებისა და რეგისტრაციისთვის აუცილებელი დოკუმენტაციის შესახებ.
ღონისძიება ინტერაქციულ ფორმატში წარიმართა — დამსწრეებს შესაძლებლობა ჰქონდათ, დაესვათ მათთვის საინტერესო კითხვები და მიეღოთ ამომწურავი პასუხები უშუალოდ საელჩოს წარმომადგენლისგან.
ახალგაზრდა ლიდერთა აკადემიამ მონაწილეებს აქტიური ჩართულობისთვის მადლობა გადაუხადა და აღნიშნა, რომ მომავალშიც გეგმავს მსგავს საინფორმაციო და საგანმანათლებლო შეხვედრებს.
მართლმადიდებელ ჟურნალისტთა კავშირი წერდა, დღეს ღირსი ექვთიმე ათონელის, მთარგმნელის ხსენების დღეა.
