ოჯახის სიწმინდის დღე აღინიშნა ზუგდიდში
შეკრებილმა საზოგადოებამ საეკლესიო დროშებით, ბაირაღებითა და საზეიმო გალობით გაიარა ზუგდიდის ცენტრალური ქუჩები.
ოჯახის სიწმინდისა და მშობლების პატივისცემის დღესთან დაკავშირებით, 2026 წლის 17 მაისს ზუგდიდში საზეიმო მსვლელობა მოეწყო. საკვირაო ლიტურგიის დასრულების შემდეგ, სამეგრელოს სხვადასხვა ეპარქიის სასულიერო პირები და მრევლი ვლაქერნის ყოვლადწმინდა ღვთისმშობლის ხატის სახელობის საკათედრო ტაძრის ეზოში შეიკრიბნენ.
შეკრებილმა საზოგადოებამ საეკლესიო დროშებით, ბაირაღებითა და საზეიმო გალობით გაიარა ზუგდიდის ცენტრალური ქუჩები. საზეიმო მსვლელობა ზუგდიდის ივერიის ყოვლადწმინდა ღვთისმშობლის ხატის სახელობის მშენებარე საკათედრო ტაძართან დასრულდა.
მსვლელობის დასასრულს, სხვადასხვა ეპარქიის სასულიერო პირებმა ერთობლივად აღავლინეს საზეიმო სამშვიდობო პარაკლისი.
საეკლესიო პირებსა და მრევლს შორის მსვლელობას შეუერთდნენ ადგილობრივი მუნიციპალიტეტის მერიისა და საკრებულოს წარმომადგენლებიც.
მჟკ წერდა, დეკანოზი ნიკოლოზ ტატუაშვილი, - დღევანდელი დღე მნიშვნელოვანია ჩვენი ქვეყნისთვის.
