წმიდა ათანასე დიდი, ალექსანდრიის მთავარეპისკოპოსი
წმინდანის ხსენება წელიწადში ორჯერ აღესრულება -2 მაისს და 18 იანვარს.
15 მაისს მართლმადიდებელი ეკლესი მოიხსენებს წმიდა ათანასე დიდს, ალექსანდრიის მთავარეპისკოპოსს (+373). იგი დაახლოებით 297 წელს დაიბადა ალექსანდრიაში. მან დიაკვნის ხარისხში მიიღო მონაწილეობა ნიკეის პირველ მსოფლიო კრებაზე 325 წელს და წამოაყენა წინადადება, ევსების მიერ შემოთავაზებული ფორმულისათვის დაემატებინათ ერთადერთი, უმოკლესი განსაზღვრება - „ერთარსი მამისა“.
წმიდა ათანასე ალექსანდრიის ეკლესიას 325-373 წლებში განაგებდა. ამ ხნის განმავლობაში მრავალი ჭირისა და განსაცდელის დათმენა მოუხდა. იყო დრო, როცა ნეტარი ერთადერთ მართლმადიდებელ ეპისკოპოსად რჩებოდა და უკაცრიელი თავშესაფრიდან ეპისტოლეებითა და ტრაქტატებით ამხელდა არიანელებს.
მხცოვანმა მღვდელმთავარმა 373 წელს შეჰვედრა სული უფალს. მისი ხსენება წელიწადში ორჯერ აღესრულება -2 მაისს და 18 იანვარს, წმიდა კირილე ალექსანდრიელთან ერთად (მისი ცხოვრება სრული სახით 18 იანვრის საკითხავშია მოთავსებული).
მართლმადიდებელ ჟურნალისტთა კავშირი წერდა, 17 მაისს საქართველოში ოჯახის სიწმინდის დღე აღინიშნება.
