ხაშურში საკვირაო მსახურება ეპისკოპოსმა სვიმეონმა აღავლინა

11 მაისი 08:36

180

ავტორი: ახალი ამბები

სურამისა და ხაშურის ეპისკოპოსი სვიმეონი

სურამისა და ხაშურის ეპისკოპოსმა წმინდა იოანე ნათლისმცემლის სახელობის საკათედრო ტაძარში მრევლთან ერთად ილოცა.

დღეს, 10 მაისს, ხაშურის წმინდა იოანე ნათლისმცემლის სახელობის საკათედრო ტაძარში საკვირაო საღმრთო ლიტურგია სურამისა და ხაშურის ეპისკოპოსმა სვიმეონმა აღავლინა.

ღვთისმსახურებას სასულიერო პირები და მრევლი ესწრებოდნენ. ლიტურგიის მიმდინარეობისას ეპისკოპოსმა სვიმეონმა საქართველოს, ეკლესიისა და ქართველი ერის მშვიდობისა და კეთილდღეობისთვის ილოცა.

ამ თემაზე საპატრიარქო ტახტის მოსაყდრის ქადაგება აღდგომიდან მეხუთე, სამარიტელის კვირას

საღმრთო მსახურების დასრულების შემდეგ მეუფემ მრევლს ქადაგებით მიმართა და ქრისტიანული ცხოვრების მნიშვნელობაზე, რწმენის განმტკიცებასა და ეკლესიური ერთობის აუცილებლობაზე ისაუბრა.

მართლმადიდებელ ჟურნალისტთა კავშირი წერდა, ხვალ საქართველოს ახალი კათოლიკოს-პატრიარქი ეყოლება.

0 0