ეკლესია აღნიშნავს მენელსაცხებლე დედათა კვირას
ეკლესია იხსენებს მაცხოვრის მოწაფეებს, რომლებმაც დაძლიეს ჯვარცმელებისაგან შიში და პირველებმა დაინახეს ანგელოზი ცარიელ საფლავთან.
2026 წლის 26 აპრილს, აღდგომის შემდეგ მეორე კვირას, მართლმადიდებლური ეკლესია აღნიშნავს წმინდა მენელსაცხებლე დედების ხსენებას. ამ დღეს ეკლესია იხსენებს მარიამ მაგდალინელს, მარიამ კლეოპელს, სალომეს, იოანას, მართას, მარიამს, სუსანას და სახარებაში მოხსენიებულ სხვა ღვთისმოსავ ქალებს.
წმიდა მენელსაცხებლე დედებმა მთელი გულით შეიყვარეს უფალი, დაჰყვებოდნენ მას, უსმენდნენ, ემსახურებოდნენ. აღდგომის შემდეგ თავდაპირველად რად ეჩვენა სწორედ მათ და არა მოციქულებს? რითი განსხვავდება დედაკაცის გული მამაკაცისაგან? გული მამაკაცისა ხშირად უხეშია, გაქვავებული და სასტიკიც კი. ხოლო დედაკაცის გული თბილია და სიყვარულით აღვსილი. ეს რომ გავიგოთ უნდა ვიცოდეთ, რომ ჩვენი გული - შემეცნების უმაღლესი ორგანოა. დედათა გული შეიცნობს ყოველივე ამაღლებულს, იდუმალს, წმიდას ბევრად უფრო ადვილად ვიდრე კაცის უხეში გული. უწყოდა უფალმა გულისაჲ კაცთა და გულისაჲ ქალთა. მან იცოდა, რომ მოციქულები ძნელად ირწმუნებდნენ მის მკვდრეთით აღდგომას, ხოლო მენელსაცხებლენი ადვილად და სწრაფად. ამისთვისაც ეჩვენა მათ უწინარეს მოციქულთა.
მართლმადიდებელ ჟურნალისტთა კავშირი წერდა, ეკლესია ქვაბტახევის მონასტერში წამებულებს მოიხსენებს.
