მუხათგვერდის ძმათა სასაფლაოზე გმირთა ხსოვნას პატივი მიაგეს
მიცვალებულთა ხსენების დღეს თავდაცვის ძალების ხელმძღვანელობა და გენერალ-ლეიტენანტები და გიორგი მათიაშვილი გმირების ოჯახებს შეხვდნენ.
მიცვალებულთა ხსენების დღეს, მუხათგვერდის ძმათა სასაფლაოზე, თავდაცვის ძალების მეთაურმა, გენერალ-ლეიტენანტმა გიორგი მათიაშვილმა და თავდაცვის ძალების ხელმძღვანელმა პირებმა სამშობლოსთვის დაღუპულ გმირთა ხსოვნას პატივი მიაგეს.
მათ კიდევ ერთხელ გაიხსენეს ის ადამიანები, რომლებმაც ქვეყნის დამოუკიდებლობისა და უსაფრთხოების დასაცავად საკუთარი სიცოცხლე გაწირეს. აღინიშნა, რომ გმირების თავგანწირვა ამყარებს საქართველოს სახელმწიფოებრიობის საფუძველს და აძლიერებს ეროვნულ იდენტობას. მათი მაგალითი მომავალ თაობებს ასწავლის, რომ სამშობლოს სამსახური პასუხისმგებლობას, ღირსებასა და უმაღლესი ეროვნული ღირებულებებისადმი ერთგულებას ნიშნავს.
განსაკუთრებული ყურადღება დაეთმო გმირების ოჯახის წევრებს. თავდაცვის ძალების წარმომადგენლები მათ შეხვდნენ და კიდევ ერთხელ გამოხატეს მადლიერება და პატივისცემა იმ მშობლებისა და ოჯახების მიმართ, რომლებმაც საქართველოს ღირსეული გმირები აღუზარდა.
მართლმადიდებელ ჟურნალისტთა კავშირმა დაწერა, ზუგდიდში ივერიის ყოვლადწმიდა ღმრთისმშობლის ტაძრის დღესასწაული ღამისთევით აღინიშნა.
