მიტროპოლიტი ნიკოლოზი რუსეთის დაზვერვის განცხადებას ეჭვქვეშ აყენებს
მისი თქმით, მსგავსი შინაარსის განცხადება არადამაჯერებელია და შესაძლოა, საერთოდაც არ იყოს ავთენტური.
ახალქალაქისა და კუმურდოს და კარის მიტროპოლიტი ნიკოლოზი რუსეთის ფედერაციის საგარეო დაზვერვის სამსახურის მიერ გავრცელებულ განცხადებას სკეპტიკურად აფასებს და მის სისწორეში ეჭვს გამოთქვამს. როგორც მან აღნიშნა, თავად მსგავსი განცხადება არ უნახავს და არ სჯერა, რომ რუსეთის სპეცსამსახურები ასეთ შინაარსის განცხადებას გაავრცელებდნენ.
მისი შეფასებით, აღნიშნული ინფორმაცია შესაძლოა შეთხზული იყოს და არ წარმოადგენდეს ავთენტურ წყაროს. „არ მჯერა, რომ რუსეთის სადაზვერვო სამსახურმა ასეთი განცხადება გააკეთა... მგონი, ასეთი ბრიყვები არ უნდა იყვნენ, რომ ასეთი განცხადებები აკეთონ... ვერავითარ მიზანს ვერ მიაღწევენ,“ — განაცხადა მიტროპოლიტმა ნიკოლოზმა.
შეგახსენებთ რუსეთის ფედერაციის საგარეო დაზვერვის სამსახურმა 31 მარტს გაავრცელა განცხადება, რომელიც საქართველოს მართლმადიდებელი ეკლესიის პატრიარქის არჩევას ეხებოდა. განცხადებაში ნათქვამი იყო, რომ მსოფლიო პატრიარქ ბართლომეოსს სურს, საქართველოს ეკლესია საკუთარ გავლენას დაუქვემდებაროს და ამ პროცესში პატრიარქობის შესაძლო კანდიდატებად მიტროპოლიტები აბრაამ გარმელია და გრიგოლ ბერბიჭაშვილი სახელდებოდნენ.
მართლმადიდებელ ჟურნალისტთა კავშირი წერდა, იერუსალიმის პატრიარქი თეოფილე III: მიუხედავად საფრთხისა, 11 აპრილს უფლის საფლავის ტაძარში ლოცვა ჩატარდება.
