სიონის ტაძარს სახურავს შეუცვლიან — თბილისის განვითარების ფონდმა 1.3 მილიონიანი ტენდერი გამოაცხადა
რეაბილიტაცია 4 თვეში უნდა დასრულდეს და ტაძარი ახალი სპილენძის გადახურვით დაიფარება.
თბილისის მერიის დაქვემდებარებაში მყოფი „თბილისის განვითარების ფონდი“ სიონის საკათედრო ტაძრის სახურავის რეაბილიტაციას გეგმავს. ფონდმა უკვე გამოაცხადა ელექტრონული ტენდერი აუქციონის გარეშე.
პროექტისთვის ბიუჯეტიდან 1.3 მილიონი ლარია გამოყოფილი. სატენდერო პირობების თანახმად, სარემონტო სამუშაოები ხელშეკრულების გაფორმებიდან 4 თვეში უნდა დასრულდეს.
დოკუმენტაციის მიხედვით, სამუშაოები მოიცავს როგორც ტაძრის, ისე სამრეკლოს სახურავის დაზიანებული ნაწილების განახლებას. კერძოდ, შეიცვლება ძველი და დაზიანებული ხის საყრდენი კონსტრუქციები (მოლარტყვის სისტემა), ხოლო ტაძარი ახალი სპილენძის მასალით გადაიხურება, რაც შენობას დაიცავს ნალექისა და ქარის ზემოქმედებისგან.
მართლმადიდებელ ჟურნალისტთა კავშირი წერდა, მეუფე ისაია პატრიარქობის შესაძლო კანდიდატურაზე: „ეს ჯვარია და არა სასიხარულო“.
