საქართველოს ეროვნული ნაკრების ფეხბურთელებმა ილია II-ის საფლავი მოინახულეს
სპორტსმენებმა სიონის საპატრიარქო ტაძარში სრულიად საქართველოს კათოლიკოს-პატრიარქის ხსოვნას პატივი მიაგეს.
23 მარტს, საქართველოს ეროვნული ნაკრების ფეხბურთელები თბილისის სიონის საპატრიარქო ტაძარში მივიდნენ, სადაც სრულიად საქართველოს კათოლიკოს-პატრიარქის, ილია II-ის საფლავი მოინახულეს და მის ხსოვნას პატივი მიაგეს.
სპორტსმენებმა პატრიარქის საფლავთან ლოცვითა და დუმილით გამოხატეს პატივისცემა და მადლიერება იმ დიდი ღვაწლისთვის, რომელიც ილია II-მ საქართველოსა და ქართულ ეკლესიას მიუძღვნა.
შეგახსენებთ, რომ სრულიად საქართველოს კათოლიკოს-პატრიარქი ილია II 17 მარტს, 93 წლის ასაკში გარდაიცვალა. იგი 22 მარტს, სიონის საპატრიარქო ტაძარში დაკრძალეს.
მართლმადიდებელ ჟურნალისტთა კავშირი წერდა, საფრანგეთში წმინდა თამარ მეფის სახელობის ტაძარში ზეთის კურთხევის მსახურება გაიმართება.
