სიონის ტაძარში ილია II-ის საფლავზე პანაშვიდი აღევლინა
საქრთველოს სამოციქულო ეკლესიის საპატრიარქო ტქხტის მოსაყდრემ შიომ და წმინდა სინოდის წევრებმა პატრიარქის ხსოვნას პატივი მიაგეს.
23 მარტს, თბილისში, სიონის საპატრიარქო ტაძარში, სრულიად საქართველოს კათოლიკოს-პატრიარქის, ილია II-ის საფლავზე პანაშვიდი აღევლინა.
საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი), სასულიერო პირებთან ერთად პანაშვიდი გადაიხადა. მას თანამსახურებდნენ საქართველოს მართლმადიდებელი ეკლესიის წმინდა სინოდის წევრები.
პანაშვიდზე შეკრებილმა სასულიერო და საერო პირებმა პატივი მიაგეს უწმინდესისა და უნეტარესის ხსოვნას და მის სულის მოსახსენიებლად ილოცეს.
ილია II 22 მარტს სიონის ტაძარში დაკრძალეს. მის საფლავზე 40 დღის განმავლობაში ყოველდღიურად აღევლინება პანაშვიდი.
მართლმადიდებელ ჟურნალისტთა კავშირი წერდა, მთავარეპისკოპოსი ტიხონი პატივს მიაგებს პატრიარქ ილიას და იხსენებს გერმანიაში ვიზიტებს.
