მართლმადიდებელი ეკლესია ღირს ბასილ აღმსარებელს იხსენებს
წმიდანი ხატთმებრძოლობის პერიოდში მართლმადიდებლური სარწმუნოების ერთგულებისთვის ეწამა.
13 მარტს მართლმადიდებელი სამოციქულო ეკლესია მოიხსენებს ღირს ბასილ აღმსარებელს, რომელიც ქრისტიანული სარწმუნოების ერთგული ბერი იყო და ხატთმებრძოლობის პერიოდში დევნასა და ტანჯვას გაუძლო.
წმიდა ბასილი ცხოვრობდა იმ ეპოქაში, როდესაც ბიზანტიაში ხატთმებრძოლი იმპერატორის, ლეონ ისავრიელის (717–741) დროს წმიდა ხატების თაყვანისმცემელთა სასტიკი დევნა დაიწყო. მართლმადიდებლური სარწმუნოების დაცვის გამო იგი თავის მოსაგრესთან, ღირს პროკოფისთან ერთად აწამეს და საპყრობილეში ჩააგდეს.
აღმსარებლები მძიმე ტანჯვას იტანდნენ და ურყევად იცავდნენ ეკლესიის სწავლებას წმიდა ხატების პატივისცემის შესახებ. წმიდა ბასილმა მრავალი განსაცდელი გადაიტანა, თუმცა სარწმუნოებას არ განუდგა.
უსჯულო იმპერატორის სიკვდილის შემდეგ დევნა დასრულდა, ხოლო ღირსმა ბასილმა სიცოცხლის დარჩენილი წლები მშვიდობაში გაატარა. იგი უფალში მშვიდობით მიიცვალა 750 წელს.
მართლმადიდებელ ჟურნალისტთა კავშირი წერდა, ტყიბულის მუნიციპალიტეტში, სოფელ კურსებში მეწყერი ჩამოწვა — საფრთხე ისტორიულ ტაძრებსაც ემუქრება.
