ბათუმის საკათედრო ტაძარში მიტროპოლიტმა დიმიტრიმ შაბათის მწუხრ-ცისკრის მსახურება აღასრულა
ღვთისმსახურება ბათუმის ღვთისმშობლის შობის სახელობის საკათედრო ტაძარში სამღვდელოებასთან ერთად ჩატარდა.
7 მარტს ბათუმის ღვთისმშობლის შობის სახელობის საკათედრო ტაძარში შაბათის მწუხრ-ცისკრის მსახურება აღესრულა. საღვთო მსახურება ბათუმისა და ლაზეთის მიტროპოლიტმა დიმიტრიმ აღავლინა ტაძრის სამღვდელოებასთან ერთად.
ასევე ღვთისმსახურებაში მონაწილეობდნენ ტაძარში მოღვაწე სტიქაროსნები და მრევლი.
შვიდგზის ზეთისცხება შვიდი საიდუმლოდან ერთ-ერთია და ყოველთვის დიდ მარხვაში ტარდება. მართლმადიდებელ ქრისტიანს შვიდჯერ ეცხება წითელ ღვინოში არეული ზეთი მღვდლების მიერ. მრავალგზის იკითხება სახარება და ლოცვები სნეულთათვის. ეს ყველაფერი ქრისტიანის სულისა და ხორცის განკურნებისთვის სრულდება. ზეთის კურთხევისას, ეკლესიის ერთობლივი ლოცვისა და სნეულის ნაკურთხი ზეთითა და ღვინით ცხებისას, ავადმყოფ ქრისტიანზე საღმრთო მადლი გადმოდის, რომელსაც მისი ფიზიკური და სულიერი სნეულებების განკურნება შეუძლია. ზეთის კურთხევა უკავშირდება სინანულის საიდუმლოს. შვიდგზის ზეთის ცხება შეუძლია მხოლოდ მას, ვისაც ერთხელ მაინც აქვს აღსარება ჩაბარებული.
მართლმადიდებელ ჟურნალისტთა კავშირი წერდა, მიცვალებულთა ხსენების დღეს ღვთისმშობლის ტაძრად მიყვანების სახელობის ტაძარში პანაშვიდი აღევლინა.
