სურამისა და ხაშურის ეპისკოპოსმა სვიმეონმა საკვირაო ღვთისმსახურება აღასრულა
მეუფემ მრევლს სააღდგომო მარხვის ღირსეულად დაწყებისკენ მოუწოდა — 23 თებერვლიდან მარხვა იწყება.
2026 წლის 22 თებერვალს სურამისა და ხაშურის ეპისკოპოსმა სვიმეონმა საკვირაო ღვთისმსახურება აღასრულა ხაშურის იოანე ნათლისმცემლის სახელობის საკათედრო ტაძარში.
ღვთისმსახურების დასრულების შემდეგ მეუფემ ქადაგებაში მორწმუნეებს მარხვის სულიერ მნიშვნელობაზე ესაუბრა და მოუწოდა, რომ მარხვას სიხარულითა და გულწრფელი განწყობით შეხვედროდნენ. მან გაიხსენა წმინდა იოანე ოქროპირის სიტყვები:
„სიხარულით შეუდექი მარხვას და ნუ ემსგავსები იმ თვალთმაქცთ, რომელნიც კაცთა სახილველად დაღვრემილი სახით დადიან. ამ მწუხარების გამო ისინი ვერ იღებენ იმ ჯილდოს, მარხვის გამო რომ ეძლევა ადამიანს. მაცხოვარი ბრძანებს: „ხოლო შენ რაჟამს იმარხვიდე, იცხე თავსა შენსა და დაიბანე პირი შენი, რაჲთა არა ეჩუენო კაცთა მმარხველად, არამედ მამასა შენსა დაფარულად“.
ეპისკოპოსმა სვიმეონმა აღნიშნა, რომ მარხვა მხოლოდ გარეგანი თავშეკავება არ არის, არამედ სულიერი განახლებისა და ღვთისადმი დაახლოების დროა.
ორშაბათიდან, 23 თებერვლიდან, 2026 წლის სააღდგომო მარხვა იწყება. 22 თებერვალი კი მზგეფსის ბოლო დღეა, რაც მორწმუნეებს მარხვის წინ სულიერი მომზადების შესაძლებლობას აძლევს.
მართლმადიდებელ ჟურნალისტთა კავშირი წერდა, 2014 წლის 22 თებერვალს აღმოყვანილ იქნა ღირსი მამის გაბრიელ სალოსისა და აღმსარებლის წმიდა ნაწილები.
