იზმირში ქართული მართლმადიდებელი თემისთვის საღმრთო ლიტურგია აღესრულა
ღონისძიებას სმირნელი მიტროპოლიტი ბართლომეოსი ესწრებოდა.
მიმდინარე წლის 15 იანვარს, თურქეთის ქალაქ იზმირში, ადგილობრივი ქართული მართლმადიდებელი თემისთვის, სმირნელი მიტროპოლიტის, მეუფე ბართლომეოსის ლოცვა-კურთხევითა და მისი თანდასწრებით, საღმრთო ლიტურგია არქიმანდრიტმა ილია ჯინჯოლავამ აღასრულა.
წმიდა ლიტურგიის დასრულების შემდეგ გაიმართა ტრადიციული სამრევლო აღაპი. ამის შემდგომ კი შედგა ქართული სამრევლოს ჟურნალ-ალბომის პრეზენტაცია და ღონისძიება — „სულიერი საუბრები და შეკითხვები მოძღვართან“, სადაც მრევლს შესაძლებლობა ჰქონდა სულიერ თემებზე გასაუბრებისა და კითხვების დასმისა.
იზმირში მომდევნო საღმრთო ლიტურგია 12 თებერვალს ჩატარდება.
მართლმადიდებელ ჟურნალისტთა კავშირი წერდა, ქუთაისში ტრადიციული გალობის საღამო „ქრისტე იშვა... მადლი მახარებელსაო...“ გაიმართა.
