მიტროპოლიტი იობი ურბნისის სიონის ტაძარში საზეიმო წირვას აღავლენს
14 იანვარს, მაცხოვრის წინადაცვეთისა და წმინდა ბასილი დიდის ხსენების დღეებში.
ხვალ, 14 იანვარს, ყოვლადუსამღვდელოესი მროველ-ურბნელი მიტროპოლიტი იობი საზეიმო წირვას შეასრულებს ურბნისის სიონის საკათედრო ტაძარში. ღვთისმსახურება დაიწყება 09:00 საათზე. წირვას მრევლი და ადგილობრივი სამღვდელოება დაესწრებიან.
იესო ქრისტეს მიწიერი ცხოვრება და მასთან დაკავშირებული მოვლენები - შობა, მირქმა, ნათლისღება, ფერისცვალება, იერუსალიმს დიდებით შესვლა და სხვანი - ქრისტიანობისთვის უაღრესად მნიშვნელოვანია, ვინაიდან მათ, გარდა ისტორიული თუ პოლიტიკური შინაარსისა, აქვს ღრმა მისტიკური მხარეც. ამ მოვალენათა გამოწვლილვით შესწავლა გვეხმარება, ჩვენც გავიაროთ ის გზა, ღვთის ძემ რომ განვლო, მივბაძოთ მას, ვიტვირთოთ საკუთარი ჯვარი, ვძლიოთ ჩვენს ცოდვებსა და ვნებებს და ქრისტეში გავიზარდოთ.
ღვთისმსახურება სპეციალურად მიეძღვნება მაცხოვრის წინადაცვეთისა და წმინდა ბასილი დიდის ხსენების დღის აღსანიშნავად.
მართლმადიდებელ ჟურნალისტთა კავშირი წერდა, 13 იანვარს მართლმადიდებელი ეკლესია ღირს მელანია რომაელს მოიხსენიებს.
