მსჯავრდადებულებმა შობის დღესასწაული პენიტენციურ დაწესებულებებში წირვა-ლოცვით აღნიშნეს
მაცხოვრის შობის ბრწყინვალე დღესასწაულთან დაკავშირებით, სასჯელაღსრულების დაწესებულებებში მოქმედ ტაძრებში საზეიმო ღვთისმსახურება ჩატარდა.
მაცხოვრის შობის ბრწყინვალე დღესასწაულთან დაკავშირებით, ქვეყნის მასშტაბით პენიტენციურ დაწესებულებებში მოქმედ ყველა ტაძარში საზეიმო წირვა-ლოცვა აღესრულა. შობის დღესასწაული განსაკუთრებული სულიერი განწყობით აღნიშნეს მსჯავრდადებულებმა.
სადღესასწაულო ღვთისმსახურება გაიმართა ქსნის №15 პენიტენციურ დაწესებულებაშიც, სადაც წირვა-ლოცვა აღავლინეს დეკანოზმა ვიტალი ღვინიაშვილმა და მღვდელ-მონაზონმა გიორგიმ (მეფარიშვილი). სასულიერო პირებმა მსჯავრდადებულებს ქრისტეს შობა მიულოცეს, სულიერი სიტყვით მიმართეს და მშვიდობა, სინანული და სულიერი განმტკიცება უსურვეს.
მართლმადიდებელ ჟურნალისტთა კავშირი წერდა, მიტროპოლიტ სტეფანეს მფარველი წმინდანის ხსენების დღეს ულოცავენ.
