მართლმადიდებელი სამყარო ქრისტეს შობას აღნიშნავს
ნათლი სიცოცხლის მოვლენა და ადამიანის ხსნის საიდუმლო.
ქრისტეს შობა ერთ-ერთი უდიდესი და უმნიშვნელოვანესი დღესასწაულია ქრისტიანულ სამყაროში. ეს არის დღე, როცა კაცობრიობას ეუწყა იესო ქრისტეს ხორციელი შობა, რომელმაც სამყაროს სიყვარულის, მშვიდობისა და ხსნის გზა აჩვენა.
შობა სიმბოლოა ღვთის განგებულებისა და ადამიანებისადმი უსაზღვრო სიყვარულისა. ბეთლემში, უბრალო მღვიმეში შობილი ყრმა იესო მთელი კაცობრიობის იმედად და სინათლად მოევლინა სამყაროს. მისი შობა გვახსენებს, რომ ჭეშმარიტი სიდიადე სიმდაბლეში, სიკეთესა და სიყვარულშია.
საქართველოს მართლმადიდებელი ეკლესია ქრისტეს შობას 7 იანვარს აღნიშნავს. ამ დღეს ტაძრებში აღესრულება საზეიმო ღვთისმსახურება. შობის დღესასწაულს თან ახლავს ალილოს მსვლელობაც, რომელიც სიხარულის, მოწყალებისა და ურთიერთსიყვარულის გამოხატულებაა.
ქრისტეს შობა, ეს არის მოწოდება ურთიერთპატივისცემა, ერთმანეთის ცოდვების მიტევება და გზა სიკეთისკენ. შობის მადლი გვაძლევს ძალას, განვიწმინდოთ გული, ვიფიქროთ ერთმანეთზე და ვეცადოთ, ჩვენი ცხოვრება ქრისტიანულ ღირებულებებზე ავაგოთ.
ქრისტეს შობა არის სიხარული, რომელიც არ ილევა, და იმედი, რომელიც მუდამ თან სდევს ადამიანს.
მართლმადიდებელ ჟურნალისტთა კავშირი წერდა, ფოთისა და ხობის ეპარქიაში 30–31 დეკემბერს მრავალმნიშვნელოვანი საეკლესიო მოვლენები ჩატარდა.
