ხმელნიცკში მიტროპოლიტ ონოფრეს მონაწილეობით წირვა გაუქმდა
პროვოკატორების მიერ შეკრებილმა ბრბომ ტაძრის გზა გადაკეტა.
ხმელნიცკში გაუქმდა მისი უნეტარესი ონოფრეს მონაწილეობით გამართული მთელი ღამის ლიტურგია, რომელიც ხმელნიცკის ეპარქიის დაარსების 35-ე წლისთავს ეძღვნებოდა.
წირვამდე ორი საათით ადრე, 15:00 საათზე, ცნობილმა რადიკალმა და პროვოკატორმა ევგენ კარასმა, ხმელნიცკის რეგიონალური საბჭოს დეპუტატ ვიქტორ ბურლიკთან ერთად, გამოაქვეყნა ვიდეო, სადაც ისინი ხმელნიცკის მაცხოვრებლებს წმინდა ნიკოლოზის საკათედრო ტაძრის ბლოკირებისა და წირვის ჩაშლისკენ მოუწოდებენ. ბურლიკი და კარასი ცნობილები არიან 2023 წლის აპრილში „სამხედრო პირის ცემის“ თემაზე პროვიკაციის აგორებით, რის შედეგადაც შეიკრიბა ბრბო, რომელმაც უკრაინის მართლმადიდებლური ეკლესიის ტაძარი „გადასცა“ მეუ-ს.
ტაძრის მახლობლად ნაგვის მანქანები იყო განლაგებული. დაახლოებით 100 ადამიანი შეიკრიბა, თავს დაესხნენ მრევლს და რუსული სამყაროსთვის მუშაობაში დაადანაშაულეს.
ერთ-ერთმა აქტივისტმა ტაძრის კარიბჭეს ღორის სისხლი შეასხა.
მანამდე, მჟკ-მა დაწერა, რომ ხმელნიცკში მიტროპოლიტ ონოფრეს წინააღმდეგ პროვოკაცია მზადდებოდა.
