წმინდა ალექსანდრე ნეველის სახელობის ტაძარში ღვთისმსახურება ჩატარდა
ტაძარში მსახურებას ესწრებოდა მართლმადიდებელი ქართველი და რუსულენოვანი მრევლი.
2025 წლის 31 ოქტომბერს წმინდა ალექსანდრე ნეველის სახელობის რუსულენოვან ტაძარში დეკანოზ გიორგი ცნობილაძის მიერ ჩატარდა ღვთისმსახურება. მსახურებას ესწრებოდნენ როგორც რუსულენოვანი, ისე ქართველი მართლმადიდებელი მრევლი.
თბილისის წმინდა ალექსანდრე ნეველის სახელობის რუსული ეკლესია — მართლმადიდებლური ქრისტიანული ეკლესია თბილისში (ჩუღურეთის რაიონი), ისტორიული მიკროუბნის ახალი კუკიის ტერიტორიაზე, კოტე მარჯანიშვილისა და ივანე ჯავახიშვილის ქუჩათა შესაყარზე. ეკლესია აგებულია 1863-1864 წლებში. ღვთისმსახურება აღევლინება საეკლესიო სლავურ ენაზე.
ეკლესია აშენდა თბილისის მოქალაქეთა პირადი შენაწირებით და რუსეთის წმინდა სინოდის მიერ გამოყოფილი თანხის მეშვეობით. 1886 წელს მნიშვნელოვნად გაფართოვდა, აღიმართა ერთიარუსიანი სამრეკლო კარიბჭით და ქვის კიბით, ხოლო 1913 წელს აშენდა თეოდორესეული ღვთისმშობლის ხატის სამლოცველო, რომელიც მიეძღვნა რომანოვების დინასტიის 300 წლისთავს. ეკლესიაში ორი ტრაპეზია: წმინდა ალექსანდრე ნეველის სახელობისა და წმინდა ნიკოლოზ საკვირველთმოქმედის სახელობისა. ეს უკანასკნელი 1900 წელს დაარსდა საკურთხევლის მარჯვნივ მდებარე ეგვტერში — რუსეთის იმპერატორ ნიკოლოზ II-ის მირონცხების პატივსაცემად. 1957 წელს ალექსანდრე ნეველის ეკლესიაში ბერად ეკურთხა საქართველოს მომავალი კათოლიკოს-პატრიარქი ილია II.
ალექსანდრე ნეველის ეკლესიის ეზოში დაკრძალული არიან მიტროპოლიტი ზინობი (მაჟუგა) (ეკლესიის წინამძღვარი 1950-1985 წლებში) და სქემარქიმანდრიტი ვიტალი (სიდორენკო).
მართლმადიდებელ ჟურნალისტთა კავშირი წერდა, გელათში კედლის მხატვრობის კონსერვაციის სამუშაოები მიმდინარეობს.
