„დავითიანნი“ აცხადებს უფასო ახალგაზრდულ სტაჟირებას კულტურული მემკვიდრეობის დაცვის კომიტეტში
შეთავაზება ახალგაზრდებისთვის, რომლებიც მზად არიან ეროვნული კულტურის პოპულარიზაციაში ჩაერთონ.
კულტურულ-საგანმანათლებლო ორგანიზაცია „დავითიანნი“ აცხადებს 3-თვიან უფასო სტაჟირების პროგრამას „კულტურული მემკვიდრეობის დაცვის ახალგაზრდულ კომიტეტში“. ინიციატივა მიზნად ისახავს ახალგაზრდა თაობის ჩართვას საქართველოს კულტურული მემკვიდრეობის შესწავლასა და პოპულარიზაციის პროცესში.
პროგრამა განკუთვნილია 18-დან 29 წლამდე ახალგაზრდებისთვის, რომელთაც აქვთ ინტერესი ქართული ისტორიის, ხელოვნებისა და კულტურის მიმართ, სურთ საკუთარი იდეებით წვლილი შეიტანონ ეროვნული მემკვიდრეობის დაცვასა და განვითარებაში და მზად არიან აქტიურად ჩაერთონ სხვადასხვა ახალგაზრდულ ინიციატივებსა და მასშტაბურ კონკურსებში.
სტაჟიორები ჩაერთვებიან კულტურული ღონისძიებების დაგეგმვასა და ორგანიზებაში, კვლევით და შემოქმედებით პროექტებში, კულტურული მემკვიდრეობის შესწავლასა და ინოვაციური იდეების განხორციელებაში.
პროგრამის წარმატებით დასრულების შემდეგ მონაწილეები მიიღებენ სერტიფიკატს და სარეკომენდაციო წერილს, ასევე შესაძლებლობას, შეიძინონ პრაქტიკული გამოცდილება რეალურ პროექტებში, იმუშაონ ისტორიისა და ხელოვნების სფეროს სპეციალისტებთან და საკუთარი იდეები რეალობად აქციონ.
რეგისტრაცია შესაძლებელია 30 ოქტომბრამდე.
დამატებითი ინფორმაციისა და რეგისტრაციის ფორმის შესავსებად ეწვიეთ ბმულს:
https://forms.gle/qcb9q2ZRagjYHkfc8
„შენ შეგიძლია გააცოცხლო საქართველოს კულტურა — შემოგვიერთდი, შექმენი ცვლილება და გახდი ეროვნული მოძრაობის ნაწილი,“ — აღნიშნულია ორგანიზაციის განცხადებაში.
მართლმადიდებელ ჟურნალისტთა კავშირი წერდა, მისმა მაღალყოვლადუსამღვდელოესობამ ქუთათელ-გაენათელმა მიტროპოლიტმა იოანემ საღვთო ლიტურგია შეასრულა.
