მიტროპოლიტმა გრიგოლმა ფოთში კვირის საღმრთო ლიტურგია აღავლინა
ბრწყინვალე აღდგომის საკათედრო ტაძარში მეუფე გრიგოლმა მრევლს ქადაგებით მიმართა და საქართველო დალოცა მშვიდობისა და ძლევისაკენ.
2025 წლის 12 ოქტომბერს, სულთმოფენობიდან მე-18 კვირას, ფოთისა და ხობის მიტროპოლიტმა გრიგოლმა ფოთის ბრწყინვალე აღდგომის საკათედრო ტაძარში აღასრულა კვირის საღმრთო ლიტურგია ეპარქიის სამღვდელოებასთან ერთად.
მსახურების დასრულების შემდეგ მღვდელმთავარმა ქადაგებით მიმართა მრევლს, დალოცა და სამშობლოს – მრავალჭირნახულ საქართველოსა და მის ერთგულ შვილებს უფლისმიერი მშვიდობა, მტერთა ზედა ძლევა და გამარჯვება უსურვა.
მეუფე გრიგოლმა ტაძარში შეკრებილებს მიმართა სიტყვებით:
„აცხოვნე უფალო ერი შენი, და აკურთხე სამკვიდრებელი შენი, ძლევა ჯვარითა ბარბაროსთა ზედა ღვთივდაცულსა ერსა შენსა მოანიჭე, და საფარველსა ქვეშე მისსა დაიცევ, რათა ვიტყოდეთ: უფალო, დიდება შენდა“.
ლოცვითა და მადლიერებით დატვირთულმა მსახურებამ მრევლი ერთობლივი სარწმუნოებრივი განცდით გააერთიანა.
ადრე, მართლმადიდებელ ჟურნალისტთა კავშირმა გაავრცელა ინფორმაცია, 10 ოქტომბერს არის ხსენება წმინდა მოციქულების არისტარქოსის, პუდის და ტროფიმის.
