გიორგი მთაწმინდელის სახელობის გალობის უნივერსიტეტი ფინეთის მუსიკოსებს მასპინძლობს
ფინელი კომპოზიტორი და აკორდეონისტი ანე-მარი კივიმაკი საქართველოში პირველად ჩამოვიდა და ქართულ მრავალხმიანობას გაეცნო.
გიორგი მთაწმინდელის სახელობის გალობის უნივერსიტეტს ფინეთის ცნობილი კომპოზიტორი და აკორდეონისტი ანე-მარი კივიმაკი სტუმრობდა საკუთარ ანსამბლთან ერთად. მუსიკოსი ცნობილია თავისი ექსპერიმენტული პროექტებით, რომლებიც ფინეთის თანამედროვე პოპ მუსიკის განვითარებაში მნიშვნელოვან წვლილად მიიჩნევა.
სტუმრობის ფარგლებში გაიმართა შეხვედრა უნივერსიტეტის სტუდენტებთან, რომლებმაც ფინელ სტუმრებს ქართული მრავალხმიანობის უნიკალური ნიმუშები წარუდგინეს. ღონისძიება მიზნად ისახავდა კულტურათა დიალოგისა და მუსიკალური გამოცდილების ურთიერთგაზიარებას.
„პირველად ვარ საქართველოში. ჩემთვის ძალიან მნიშვნელოვანია ამ ქვეყნის სტუმრობა. ველით იმ გამოცდილების გაზიარებას, რაც ქართველ სტუდენტებს აქვთ,“ — აღნიშნა ანე-მარი კივიმაკიმ ინტერვიუში.
მართლმადიდებელ ჟურნალისტთა კავშირი წერდა, საპატრიარქო მადლობას უხდის მასწავლებელთა პროფესიული განვითარების ეროვნულ ცენტრს.
