ვრცელდება რუმინეთის პატრიარქ დანიელის მილოცვა
რუმინეთის მართლმადიდებელი ეკლესიის პატრიარქი დანიელი. ფოტო: საზუ
მისი უნეტარესობის, ბუქარესტის მთავარეპისკოპოსის, მუნტენიისა და დობრუჯის მიტროპოლიტის, კაბადოკიის კესარიის ტახტის მოსაყდრისა და რუმინეთის მართლმადიდებელი ეკლესიის
პატრიარქ დანიელის მილოცვა საქართველოში ქრისტიანობის სახელმწიფო რელიგიად გამოცხადების 1700
წლისთავთან დაკავშირებით
,,მის უნეტარესობას, შიო III-ს,
სრულიად საქართველოს კათოლიკოს-პატრიარქს,
მცხეთა-თბილისის მთავარეპისკოპოსს და
ბიჭვინთისა და ცხუმ-აფხაზეთის მიტროპოლიტს
უფალი იესო ქრისტეს მიერი დიდი სიხარულით მოგმართავთ თქვენს უნეტარესობას, წმინდა სინოდის წევრებსა და საქართველოს მართლმადიდებელი ეკლესიის მთელ სისავსეს და გულითადად გილოცავთ საქართველოში ქრისტიანობის სახელმწიფო რელიგიად გამოცხადების 1700 წლისთავს.
ეს საიუბილეო თარიღი განსაკუთრებული მნიშვნელობის მოვლენაა მთელი მართლმადიდებელი ეკლესიისთვის. იგი შეგვახსენებს საქართველოში ქრისტიანობის გავრცელების საწყისებსა და იმ მისიონერულ მოღვაწეობას, რომლის მეშვეობითაც უფალ იესო ქრისტეს სახარება ქართველ ხალხს ექადაგა და იქნა მიღებული ამ ერის მიერ. ამ ისტორიაში განსაკუთრებული ადგილი უკავია წმინდა მოციქულთასწორ ნინოს, საქართველოს განმანათლებელს, რომლის რწმენამ და თავგანწირვამ უდიდესი წვლილი შეიტანა მთელ ქვეყანაში ქრისტიანობის გავრცელების საქმეში.
ამ 1700 წლის განმავლობაში საქართველოს მართლმადიდებელმა ეკლესიამ მრავალი განსაცდელი გამოიარა. მან გადაიტანა დევნის, ომებისა და ტანჯვის პერიოდები, და მაინც ერთგულად შეინარჩუნა თავისი რწმენა და ტრადიცია. მრავალმა წმინდანმა, მღვდელმთავარმა, ბერმა, მონაზონმა და მორწმუნემ უდიდესი სიმამაცით დაიცვა ქრისტიანული სარწმუნოება.
თავიანთი მართლმადიდებლური ცხოვრებითა და თავგანწირვით მათ მომავალ თაობებს ფასდაუდებელი სულიერი მემკვიდრეობა დაუტოვეს. ვიაზრებთ რა ამ მრავალსაუკუნოვან ისტორიას, მოწოდებულნი ვართ, მადლობა შევწიროთ ღმერთს რწმენის ძღვენისა და ყველა იმ წყალობისათვის, რომელიც მან საქართველოს მართლმადიდებელ ეკლესიას უბოძა.
ამასთანავე, საქართველოში ქრისტიანობის სახელმწიფო რელიგიად გამოცხადების 1700 წლისთავი მხოლოდ წარსულის გახსენება როდია. იგი ჩვენი რწმენის განმტკიცებისა და მომავლისაკენ იმედითა და პასუხისმგებლობით მზერის შესაძლებლობაცაა. წინაპართაგან მიღებული სარწმუნოება უნდა დავიცვათ და მომავალ თაობებს გადავცეთ, განსაკუთრებით კი – ახალგაზრდებსა და ბავშვებს. დღევანდელ სამყაროში ქრისტეს სახარების უწყება უფრო მეტად არის საჭირო, ვიდრე ოდესმე. თანამედროვე მსოფლიოს მრავალრიცხოვანი გამოწვევების წინაშე ეკლესია მოწოდებულია, იქადაგოს ღვთის სიყვარული, დაიცვას ადამიანის პიროვნების ღირსება და ხელი შეუწყოს მშვიდობის, სოლიდარობისა და ურთიერთპატივისცემის დამკვიდრებას ადამიანებსა და ერებს შორის.
ამ კურთხეული საიუბილეო თარიღის აღსანიშნავად ვლოცულობთ, რათა ღმერთმა აკურთხოს საქართველოს მართლმადიდებელი ეკლესია, მისი ყველა მღვდელმთავარი, მღვდელმსახური და მორწმუნე. აგრეთვე ვლოცულობთ ქართველი ხალხის მშვიდობისა და კეთილდღეობისათვის, ვლოცულობთ რუმინეთის მართლმადიდებელ ეკლესიასა და საქართველოს მართლმადიდებელ ეკლესიას შორის საეკლესიო ერთობისა და ძმური კავშირების განმტკიცებისათვის.
ღრმა პატივისცემითა და ჩვენი უფლის, იესო ქრისტეს მიერ ძმური სიყვარულით,
სოფიის მიტროპოლიტისა და სრულიად ბულგარეთის პატრიარქ დანიელის მილოცვა საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით.
მიღება საქართველოში ქრისტიანობის სახელმწიფო რელიგიად გამოცხადების 1700 წლის იუბილეს მიეძღვნა — ღონისძიებაში ჩრდილოეთ ამერიკის ეპისკოპოსი საბა მონაწილეობდა.
იერუსალიმის პატრიარქმა საქართველოს ქრისტიანობის სახელმწიფო რელიგიად გამოცხადების 1700 წლისთავი მიულოცა და ქართველი ხალხისა და წმინდა მიწის მრავალსაუკუნოვან სულიერ კავშირზე გაამახვილა ყურადღება.
მართლმადიდებლურმა სკოლა-გიმნაზიამ ქუთათელ-გაენათელი მიტროპოლიტის ხსოვნას პატივი მიაგო და მის სულიერ ღვაწლს მადლიერებით გამოეხმაურა.
წმინდა გაბრიელ ქართველის ნაწილების შემცველი ხატისა და ყოვლადწმინდა ღვთისმშობლის „წილხვდომილობის“ ხატის მოგზაურობა კანადის ოთხ ქალაქში ღვთისმსახურებებით გაგრძელდება.
სრულიად საქართველოს კათოლიკოს-პატრიარქმა ამბროსი ხელაიამ სიცოცხლე ეკლესიის, სამშობლოსა და ქართული სულიერი და კულტურული მემკვიდრეობის დაცვას მიუძღვნა.