აშშ-ში საქართველოს საელჩომ საპატრიარქოს დელეგაციას უმასპინძლა
ეპისკოპოსი საბა — ჩრდილოეთ ამერიკის ეპარქიის მღვდელმთავარი. ფოტო: ეპარქიის გვერდი
აშშ-ში საქართველოს საელჩოში, საქართველოს მთავრობისა და საპატრიარქოს ინიციატივითა და მხარდაჭერით, საზეიმო მიღება გაიმართა, რომელსაც საქართველოს საპატრიარქოს დელეგაცია და ქართული დიასპორის წარმომადგენლები დაესწრნენ. ღონისძიება საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო ღონისძიებების ფარგლებში ჩატარდა.
დამსწრე საზოგადოებას სიტყვით მიმართა აშშ-ში საქართველოს საგანგებო და სრულუფლებიანმა ელჩმა, თამარ ტალიაშვილმა. მან ყურადღება გაამახვილა ქრისტიანობის სახელმწიფო რელიგიად გამოცხადების ისტორიულ მნიშვნელობაზე საქართველოს სახელმწიფოებრიობისა და ეროვნული იდენტობის ჩამოყალიბებაში.
ელჩმა ასევე ისაუბრა საიუბილეო ღონისძიებების მნიშვნელობაზე საზღვარგარეთ მცხოვრები თანამემამულეებისთვის. მისი განცხადებით, საქართველოს სახელმწიფოსა და მართლმადიდებელი ეკლესიის ინიციატივითა და მხარდაჭერით გამართულმა ღონისძიებებმა ქართულ დიასპორას შესაძლებლობა მისცა, ამ მნიშვნელოვანი თარიღის აღნიშვნაში მონაწილეობა მიეღო.
მიღებაზე შეკრებილ თანამემამულეებს სიტყვით მიმართეს ჩრდილოეთ ამერიკის ეპისკოპოსმა საბამ და საქართველოს საპატრიარქოს დელეგაციის ხელმძღვანელმა, არქიმანდრიტმა იოანემ. ღონისძიებასთან დაკავშირებით ისაუბრეს დელეგაციის სხვა წევრებმაც.
ვიზიტის ფარგლებში ვაშინგტონში ჩააბრძანეს ყოვლადწმინდა ღვთისმშობლის „წილხვდომილობისა“ და წმინდა ღირსი გაბრიელ აღმსარებლისა და სალოსის ხატები. სიწმინდეების ჩაბრძანებას აშშ-ში მცხოვრები ქართველი მართლმადიდებელი მრევლისთვის განსაკუთრებული სულიერი მნიშვნელობა ჰქონდა.
საზეიმო მიღების შემდეგ ჩრდილოეთ ამერიკის ეპისკოპოსმა საბამ ვაშინგტონის წმინდა თამარ მეფის სახელობის ტაძარში საღმრთო ლიტურგია აღავლინა.
საქართველოს საპატრიარქოს დელეგაციის ვიზიტი აშშ-ის სხვადასხვა ქალაქში, ქართული დიასპორის მონაწილეობით, მსგავსი ღონისძიებების გამართვას მოიცავდა.
მართლმადეიდებელ ჟურნალისტთა კავშირი წერდა, აშშ-ი ყოვლადწმინდა ღვთისმშობლისა და წმინდა გაბრიელის ხატები ჩააბრძანეს.
წაიკითხეთ ასევე
ვრცელდება რუმინეთის პატრიარქ დანიელის მილოცვა
,, უფალი იესო ქრისტეს მიერი დიდი სიხარულით მოგმართავთ თქვენს უნეტარესობას, წმინდა სინოდის წევრებსა და საქართველოს მართლმადიდებელი ეკლესიის მთელ სისავსეს და გულითადად გილოცავთ საქართველოში ქრისტიანობის სახელმწიფო რელიგიად გამოცხადების 1700 წლისთავს.''-მიტროპოლიტი დანიელი.
ბულგარეთის პატრიარქი: ,,ბულგარეთს მუდამ უყვარდა მოძმე ქართველი ხალხი''
სოფიის მიტროპოლიტისა და სრულიად ბულგარეთის პატრიარქ დანიელის მილოცვა საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით.
პატრიარქი თეოფილე III: „საქართველომ თავისი სარწმუნოება მიიტანა იერუსალიმში“
იერუსალიმის პატრიარქმა საქართველოს ქრისტიანობის სახელმწიფო რელიგიად გამოცხადების 1700 წლისთავი მიულოცა და ქართველი ხალხისა და წმინდა მიწის მრავალსაუკუნოვან სულიერ კავშირზე გაამახვილა ყურადღება.
მიტროპოლიტ კალისტრატეს დაბადებიდან 88 წელი შესრულდა
მართლმადიდებლურმა სკოლა-გიმნაზიამ ქუთათელ-გაენათელი მიტროპოლიტის ხსოვნას პატივი მიაგო და მის სულიერ ღვაწლს მადლიერებით გამოეხმაურა.
წმინდა გაბრიელ სალოსის ხატებს და წმინდა ნაწილებს კანადის ოთხ ქალაქში მიაბრძანებენ
წმინდა გაბრიელ ქართველის ნაწილების შემცველი ხატისა და ყოვლადწმინდა ღვთისმშობლის „წილხვდომილობის“ ხატის მოგზაურობა კანადის ოთხ ქალაქში ღვთისმსახურებებით გაგრძელდება.
20 ოქტომბერს ეკლესია წმინდა ამბროსი აღმსარებლის ხსენებას აღნიშნავს
სრულიად საქართველოს კათოლიკოს-პატრიარქმა ამბროსი ხელაიამ სიცოცხლე ეკლესიის, სამშობლოსა და ქართული სულიერი და კულტურული მემკვიდრეობის დაცვას მიუძღვნა.