ეპისკოპოსმა მელქისედეკმა ათენის უნივერსიტეტში სადოქტორო დისერტაცია დაიცვა

მარგვეთისა და უბისის ეპისკოპოსი მელქისედეკი. ფოტო: ეპარქიის გვერდი

2026 წლის 6 ოქტომბერს მარგვეთისა და უბისის ეპისკოპოსმა მელქისედეკმა (ხაჩიძე) ათენის სახელმწიფო უნივერსიტეტის თეოლოგიის ფაკულტეტზე სადოქტორო დისერტაცია წარჩინებით დაიცვა.

პროფესორ კონსტანტინე მანიკასის ხელმძღვანელობით მომზადებული ნაშრომის თემა იყო „საქართველოს მართლმადიდებელი ეკლესია, როგორც რუსეთის მართლმადიდებელი ეკლესიის საეგზარქოსო (1811–1917)“.

დისერტაციაში განხილულმა საქართველოს ეკლესიის ისტორიის მნიშვნელოვანმა პერიოდმა კომისიის წევრთა დიდი ინტერესი გამოიწვია. დაცვის მსვლელობისას პროფესორებმა მღვდელთმთავარს კითხვები დაუსვეს და ნაშრომში წარმოდგენილი საკითხების შესახებ დისკუსია გაიმართა.

ათენის უნივერსიტეტის პროფესორებმა აღნიშნეს, რომ ბერძნულ ენაზე შექმნილ ნაშრომებს შორის ეპისკოპოს მელქისედეკის კვლევა პირველია, რომელიც აღნიშნულ პერიოდს ამგვარი სიღრმითა და ყურადღებით განიხილავს. მათი შეფასებით, დისერტაცია მკითხველისთვის გასაგები ენით განმარტავს საქართველოს ეკლესიის ისტორიის იმ დეტალებს, რომლებიც მანამდე ბუნდოვანი იყო.

სადოქტორო დისერტაციის დაცვა წარმატებით დასრულდა. ნაშრომმა უმაღლესი შეფასება მიიღო, ხოლო ეპისკოპოს მელქისედეკს თეოლოგიის დოქტორის აკადემიური ხარისხი მიენიჭა.

მართლმადიდებელ ჟურნალისტთა კავშირი წერდა, მარგვეთისა და უბისის ეპარქიაში ნინოობის დღესასწაული საზეიმოდ აღინიშნა.

წაიკითხეთ ასევე