„ახალი ბანას“ გუნდი საიუბილეო ღონისძიებაში მონაწილეობდა

ახალი ბანას ბავშვთა გუნდი

„ახალი ბანას“ ბავშვთა გუნდისთვის განსაკუთრებით მნიშვნელოვანი და სასიხარულო იყო მონაწილეობა კოლეჯ „ქართლის“ დაარსებიდან 5 წლისთავისადმი მიძღვნილ ღონისძიებაში.

საიუბილეო ღონისძიების ფარგლებში „ახალი ბანას“ ბავშვთა გუნდმა მუსიკალური ნომრები შეასრულა და დამსწრე საზოგადოებას საკუთარი შემოქმედება წარუდგინა.

ღონისძიება კოლეჯის საქმიანობისა და განვლილი ხუთი წლის შეჯამებას მიეძღვნა.

„ახალი ბანას“ ბავშვთა გუნდმა კოლეჯ „ქართლს“ 5 წლის იუბილე მიულოცა და მომავალ საქმიანობაში წარმატება და მრავალი ნაყოფიერი წელი უსურვა.

მართლმადიდებელ ჟურნალისტთა კავშირი წერდა, ხაშურში „ახალი ბანას“ ბავშვთა გუნდში მოსწავლეთა მიღება იწყება.